Partia Demokratike ka mbajtur këtë të dielë votime për të zgjedhur kreun e degës së PD-së në Selenicë, ku procesi zgjedhor është monitoruar nga deputeti i Qarkut, Bujar Leskaj.
Procesi i numërimit të votave ka përfunduar pak më parë, ku mësohet se fitues është shpallur Leonard Rakipaj, i cili ka fituar garën përballë kandidatit Engjell Shanaj.
Leonard Rakipaj ka fituar zgjedhjet me mbi 80% të votave, teksa vlen të theksohet fakti se ai ishte kandidat i koalicionit “Bashkë Fitojmë” për kreun e Bashkisë së Selenisë në zgjedhjet e kaluara lokale.
Qendra e votimit ditën e sotme ka qenë në fshatin Peshkëpi.
