Policia turke, arrestoi këtë mëngjes deputetin pro-kurd, Omer Faruk Gergerlioglu, në mjediset e parlamentit.
Ai protestoi atje për katër netë sepse iu mor imuniteti dhe statusi parlamentar.
Selia e Partisë Demokratike Popullore, njoftoi se Gergerlioglu u arrestua në Ankara, me pizhame dhe pantofla, pak para lutjes në mëngjes, raporton aljazeera.
Partia Demokratike e Popullit, është partia e tretë më e madhe politike në Turqi, e cila është përballur me presion nga autoritetet për disa vjet.
Këto presione arritën kulmin të mërkurën e kaluar, kur kryeprokurori turk vendosi ta ndalojë atë për të vepruar për shkak të lidhjeve të saj të pretenduara me ekstremistët kurdë, të cilat partia i mohon dhe i quan një “grusht shteti politik”.
Partia e Punëtorëve të Kurdistanit është shpallur një organizatë terroriste në Turqi.
