Driçim Çaka
Shpërblimet për mjekët dhe infermierët do të përcaktohen nga Fondit i Sigurimit të Detyrueshëm
Qeveria rrit numrin e punonjësve në spitale, buxheti i plotë për shërbimin spitalor për 2014-ën
Financimi nga Fondi i Sigurimit të Detyrueshëm do të bëjë të mundur që një sërë shërbimesh, duke filluar që nga shërbimet në QSUT, në spitalet rajonale dhe në spitalet e rretheve do të ofrohen pa ndonjë pagesë. Vendimi i qeverisë ka përcaktuar edhe buxhetet që do të kenë spitalet. Në ndryshim nga vitet e kaluara bie në sy rritja e numrit të punonjësve në disa spitale. Në krahasim nga një vit më parë, kur ishin 11.872 punonjës, këtë vit do të punësohen dhe 308 punonjës të tjerë, që do ta çojë numrin total 12.117. “Spitali e ushtron veprimtarinë në përputhje me standardet, treguesit e cilësisë e të performancës, protokollet e diagnozës dhe të trajtimit, të miratuara nga Ministria e Shëndetësisë. Pagesa e paketës së shërbimeve spitalore që ofron çdo spital bëhet sipas listës së mëposhtme. Një fond jo më i madh se 10 për qind e buxhetit vjetor, të planifikuar për shërbimet spitalore, mbahet nga Fondi i Sigurimit të Detyrueshëm të Kujdesit Shëndetësor për t’ua rishpërndarë spitaleve gjatë vitit, me vendim të Këshillit Administrativ të Fondit të Sigurimit të Detyrueshëm të Kujdesit Shëndetësor, për pagesat e paketave të shërbimeve të veçanta, të miratuara me vendim të Këshillit të Ministrave dhe nevoja të spitaleve gjatë vitit. Shpenzimet kapitale për investimet në spitale mbulohen nga Ministria e Shëndetësisë”, – përcakton vendimi i qeverisë. Spitalet mund të kryejnë investime edhe nga burime të tjera. Burime të tjera financimi për spitalet janë fondet e krijuara nga të ardhurat e realizuara gjatë veprimtarisë së tyre dhe nga dhurimet. Përdorimi i tyre bëhet totalisht nga vetë spitali, si pjesë e kostos së shërbimit, sipas udhëzimit të miratuar nga Këshilli Administrativ i Fondit. Këto të ardhura vlerësohen si të ardhura jashtë limitit.
Ndryshimet
Mënyra e pagesës dhe e shpërblimit të punës së punonjësve të spitaleve, që kanë lidhur kontratë me Fondin e Sigurimit të Detyrueshëm të Kujdesit Shëndetësor, përcaktohet me vendim të Këshillit Administrativ të Fondit të Sigurimit të Detyrueshëm të Kujdesit Shëndetësor. Spitali zbaton sistemin e referimit dhe tarifat për shërbimet me pagesë, të miratuara nga ministri i Shëndetësisë. “Ministria e Shëndetësisë ushtron kontroll në spital për zbatimin e standardeve të miratuara prej saj, si dhe për buxhetin që financon”, – thuhet në vendim.
LISTA E SHËRBIMEVE SPITALORE QË DO TË FINANCOHEN NGA FONDI I SIGURIMIT TË DETYRUESHËM TË KUJDESIT SHËNDETËSOR
Spitalet universitare
1. Shërbimi i kardiologjisë:
– Hemodinamika
– Reanimacioni i kardiologjisë
2. Shërbimi i kardiokirurgjisë
3. Shërbimi i kirurgjisë angiovaskulare
4. Shërbimi i hematologjisë
5. Shërbimi i gastrohepatologjisë
6. Shërbimi i endokrinologjisë
7. Shërbimi i nefrologjisë dhe hemodializës
8. Shërbimi i anestezisë-reanimacionit
9. Shërbimi i urgjencës së sëmundjeve të brendshme
10. Shërbimi i mjekësisë interne
11. Shërbimi i alergologjisë
12. Shërbimi i reumatologjisë
13. Shërbimi i dermatologjisë
14. Shërbimi i traumatologjisë
15. Shërbimi i ortopedisë
16. Shërbimi i okulistikës
17. Shërbimi i ORL-së
18. Shërbimi i kirurgjisë maksilo-faciale
19. Shërbimi i kirurgjisë së përgjithshme
20. Shërbimi i urgjencës kirurgjikale
21. Shërbimi i kirurgjisë digjestive
22. Shërbimi i urologjisë
23. Shërbimi i djegie-plastikës
24. Shërbimi i neurologjisë dhe neurofiziologjisë
25. Shërbimi i neurokirurgjisë
26. Shërbimi i onkologjisë+kirurgjia onkologjike:
– Statistika onkologjike (regjistri i kancerit)
– Laboratori histopatologjik onkologjik
– Laboratori klinik-biokimik onkologjik
27. Shërbimi i rrezatim-kobaltit
28. Shërbimi infektiv
29. Shërbimi i pediatrisë së përgjithshme:
– Urgjenca pediatrike
-Fizioterapia pediatrike
30. Shërbimi i pediatrisë së specialiteteve
31. Shërbimi i pediatrisë infektive
32. Shërbimi i kirurgjisë infatile
33. Shërbimi i onkohematologjisë pediatrike
34. Shërbimi i reanimacionit pediatrik
35. Shërbimi i laboratorëve (klinikë-biokimikë, mikrobiologjikë, imunologjikë, atomopatologjikë, gjenetikë mjekësore, laboratori i mjekësisë nukleare)
36. Shërbimi i imazherisë
37. Shërbimi i fizioterapisë
38. Shërbimi i statistikave
39. Shërbimi i pneumologjisë
40. Kirurgjisë torakale
41. Shërbimi i ftiziatrisë
42. Shërbimi i gjinekologjisë
43. Shërbimi i obsetrikës
44. Shërbimi i patologjisë së barrës
45. Shërbimi i neonatologjisë
46. Shërbimi i farmacisë
47. Shërbimi i konsultave të specializuara ambulatore
48. Shërbimi i toksikologjisë
49. Shërbimi i koordinimit të urgjencave
50. Shërbimi i psikiatrisë (QSUT)
51. Kontrolli i infeksioneve spitalore
SPITALET NË NIVEL QARKU (SPITALET RAJONALE)
1. Shërbim urgjence 24 orë
2. Shërbimi i mjekësisë së përgjithshme
3. Shërbimi i kirurgjisë së përgjithshme + ortopedi traumatologji + urologji + ORL + okulistikë
4. Shërbimi i pediatrisë
5. Shërbimi i obsetrik-gjinekologjisë
6. Shërbimi i anestezi-reanimacionit
7. Shërbimi i radiologjisë
8. Shërbimi i fizioterapisë
9. Shërbimi i laboratorëve klinikë-biokimikë dhe mikrobiologjikë
10. Shërbimi i anatomisë dhe histologjisë patologjike
11. Shërbimi i hemodializës
12. Shërbimi i farmacisë
13. Shërbimi ambulator i specializuar (poliklinika)
14. Kabineti i onkologjisë
III. SPITALET NË NIVEL BASHKIE (RRETHI)
1. Shërbim urgjence 24 orë
2. Shërbimi i mjekësisë së përgjithshme
3. Shërbimi i kirurgjisë së përgjithshme
4. Shërbimi i pediatrisë
5. Shërbimi i obsetrik-gjinekologjisë
6. Shërbimi i anestezi-reanimacionit
7. Shërbimi i radiologjisë
8. Shërbimi i laboratorëve klinikë-biokimikë
9. Shërbimi i farmacisë
10. Shërbimi ambulator i specializuar (poliklinika)
IV. SPITALET DITORE
1. Shërbimi i ndihmës së parë mjekësore për trajtim dhe kurim 24 orë
LISTA E INSTITUCIONEVE QË NUK DO TË FINANCOHEN NGA FONDI i SIGURIMIT TË DETYRUESHËM TË KUJDESIT SHËNDETËSOR
1. Spitali psikiatrik Vlorë
2. Spitali psikiatrik Elbasan
3. Shërbimet e shëndetit mendor në rrethe
4. Shërbimi i psikiatrisë Shkodër
5. Qendra Kombëtare e Riaftësimit, Mirërritjes dhe Zhvillimit të Fëmijëve
6. Shërbimi Kombëtar i Transfuzioni
7. Ofiçina elektro-mjekësore
8. Njësia e Transportit me Helikopterë
