Bibliotekat on-line ishte një nga premtimet e paktit të Universitetit, për të cilën u shpenzuan 700 mijë euro nga rrjeti akademik Shqiptar.
Qëllimi i kësaj biblioteke ishte që studentët të mos fotokopjonin më leksionet por literatura e mësimit të sigurohej on-line. Po ashtu 2 milion euro u shpenzuan për sistemin informatik, por vetëm 0.6% e bibliotekës dixhitale po shfrytëzohet.
Siç e shikoni edhe nga lista, kjo librari përmban më së shumti artikuj shkencorë që u shërbejnë pedagogëve dhe jo studentëve.
Pavarësisht këtyre investimve si pjesë e paktit të universitetit, vetë institucionet e arsimit të lartë vijojnë të hedhin miliona lekë për bibliotekat on-line që si përdor askush.
Në vitin 2020 universirsiteti i Vlorës hapi një tender me vlerë prej 24 milionë lekë me object ‘Krijimi i Datacenter dhe Ndërtimi i Sistemit të Integruar për menaxhimin e bibliotekës dixhitale” që ka të njëjtin qëllim me “Paktin e Universitetin” për bibliotekat online. Pasi KLSh i tërhoqi veshin këtë vit, universiteti i Vlorës premtoi se do të tërhiqej nga ky prokurim që kishte afat deri në fund të vitit 2023.
‘Universitet në kuptimin e vërtetë të fjalës ne nuk kemi. pra me infrastrukturë, bibliotekë..ku vajtën lekët e bibliotekës digjitale? po milionat që u hodhën për tableta nëpër shkolla’ u shpreh Ndriçim Mehmeti, ekspert arsimi.
Gjatë verës së nxehtë të vitit 2023, për të shmangur shkrirjen, senati akademik i Universitetit të Korccës kërkoi bashkimin me Universitetin e Tiranës.
Kjo kërkesë jo vetëm që nuk u pranua nga politika, por vetëm pak muaj më parë Ministria e Arsimit njoftoi se do të niste puna për ndërtimin e “Kompleksit të Dijes” në Korçë. Me një fond limit prej 474 milionë lekë apo rreth 4.5 milionë euro, është e paqartë se kujt do ti shërbejë kjo godinë e re, kur studentët po reduktohet në mënyrë drastike.
Në vitin 2018, Universiteti i Sporteve realizoi një tender me vlerë rreth 14 mln lekë. Mirëpo një kontroll I zhvilluar nga KLSh ka zbuluar se edhe 5 vite më pas, këto pajisje nuk janë përdorur asnjëherë. Pra ndonëse janë blerë në vitin 2018, deri në fund të vitit 2023 gjenden ende të paketuara në magazinën e këti universiteti 40 copë biçikleta për ture dhe 50 sete zhytjeje./Top Channel
