Këshilltar i Partisë Demokratike, Ilir Alimehmeti, tregoi më shumë mbi kërkesën e anëtarëve të Këshillit Bashkiak Tiranë për një mbledhje urgjente, pas skandaleve të fundit që përfshijnë sërish kryetarin e bashkisë, Veliaj.
I ftuar në Syri Tv, Alimehmeti tregoi se cila ka qenë përgjgjja dhe qëndrimi i Veliajt pas kësaj kërkese.
“Përgjigjja e tij e zakonshme, është se nuk përgjigjet e nuk ja mban të përgjigjet. Në radhë te parë, çfarë ka më urgjente sot Tirana përveç , folëm atë që është korrupsioni më i madh që ne kemi parë ndonjëherë pas inceneratorit. Çfarë diskutimi ka? Ne do e ngrejmë këtë në një diskutim më lart, akoma. Do e mbyllim në një çështje, pra në moment të parë ne i kërkuam dhe PS nëse kanë ndonjë urgjencë për këtë çështje, pra ne bëmë një kërkesë për mbledhje urgjente, po ju a keni ndonjë qëndrim? Kanë këta përfaques ndonjë fije sedre, etike, morali, etj. Kanë sy në ballë? Jo. Atëherë çfarë do bëjmë? Do mbledhim sërish mbi 1/3 e firmave të këshilltarëve dhe do ju kërkojmë interpelancë. Pra, do hypim më lart akoma. E ka detyrim ligjor të paraqitet tani dhe nëse nuk paraqitet siç bëri me inceneratorin, do vazhdojmë me anën juridike. Do përdoret çdo mjet ligjor i mundshëm që na lejon Kushtetuta, ligji dhe rregullorja e Këshillit Bashkia“, tha Alimehmeti.
