Partia Demokratike ka përshëndetur rezolutat e Parlamentit Europian, që mbështet Shqipërinë dhe Maqedonin në procesin e hapjes së negociatave.
Sekretari i Përgjithshëm i PD-së, Gazment Bardhi është shprehur se ‘ky është një tjetër mesazh i qartë se Europa e konsideron Shqipërinë pjesë të saj’.
Reagimi i plotë i Gazmend Bardhit:
Shqipëria është me fat që ka kaq shumë miq dhe mbështetje në rrugën e integrimit europian!
Mirënjohje për mbështetjen e sotme të Parlamentit Europian!
Ky është një tjetër mesazh i qartë se Europa e konsideron Shqipërinë pjesë të saj.
Është detyra e Shqipërisë që, pa humbur asnjë minutë kohë, të plotësojë të gjitha kushtet për të mos marrë refuzimin e rradhës.
Shqipëria ka nevojë për një Qeveri të dalë nga zgjedhje të lira e të ndershme, që e ka prioritet integrimin europian, që është e sinqertë me partnerët europianë dhe nuk tenton tu hedh hi syve për plotësimin e 9 kushteve dhe që punon për shqiptarët dhe Shqipërinë si gjithë Europa.
