Deputetja demokrate Jorida Tabaku, e ftuar në studion e emisionit “Kjo Javë” në News24 ka folur në lidhje me zhvillimet brenda Partisë Demokratike, por edhe për zgjedhjet e vitit të ardhshëm dhe nëse do të jetë ajo kandidatja e opozitës së bashkuar.
Tabaku u shpreh se ka kërkuar bashkimin e PD dhe një ofertë të përbashkët politike, gjë që sipas saj kërkohet edhe nga shumica e qytetarëve që ndajnë këto shqetësime.
“Kam kërkuar me ngulm bashkimin e PD dhe krijimin e një oferte të përbashkët dhe sot kemi arritur në një pikë ku shqiptarët kërkojnë bashkimin e PD dhe një ofertë politike. Sot jemi me një grup me 47 deputetë që janë bashkuar. Kjo nuk e ka bashkuar partinë, pasi duhet të kalojë në bazë, te njerëzit. Ata i dëgjojnë politikanët dhe sherrnaja ka lëvizur edhe poshtë. Ka nevojë që të lëvizim dhe të mos mendojmë për cicmicet dhe thumbat dhe t’i japim njerëzve një ofertë”, tha ajo.
