Bota
Sociale
Sport
Kulturë
Koment
Kosovë

Revolta nuk ndalet/ Protesta para Kryeministrisë, studentë, të rinj dhe pedagogë kërkojnë largimin e Ramës

Revolta nuk ndalet/ Protesta para Kryeministrisë, studentë, të rinj dhe pedagogë kërkojnë largimin e Ramës

Protesta para Kryeministrisë vijon me pjesëmarrjen e qytetarëve të shumtë, mes tyre studentë, të rinj dhe pedagogë.

Protestuesit janë mbledhur për të kundërshtuar qeverisjen dhe për të kërkuar largimin e kryeministrit Edi Rama.

Kërkesa kryesore e tyre mbetet dorëheqja e kreut të qeverisë, ndërsa një tjetër kërkesë e artikuluar nga protestuesit është krijimi i një qeverie teknike, e cila sipas tyre do të mundësonte organizimin e zgjedhjeve të lira dhe demokratike në Shqipëri.

Protesta po vijon para godinës së Kryeministrisë, ku qytetarët po shprehin pakënaqësitë e tyre ndaj qeverisë.

Share it :

Lajmet e fundit
Dëshmia rrëqethëse e qytetares në protestë: Në Onkologjik nuk ka ilaçe! Çfarë dialogu kërkon kryeministri Një dëshmi prekëse është bërë publike gjatë protestës para Kryeministrisë, ku një qytetare ka rrëfyer për News24, për gazetarin Osman Stafa, vështirësitë e saj dhe të bashkëshortit për t’u përballur me sëmundjen e rëndë, por edhe mungesën e medikamenteve në Spitalin Onkologjik. Gruaja, e cila prej tre vitesh është paciente në Onkologjik dhe vetë ka kryer një ndërhyrje kirurgjikale në gjoks, tregon se bashkëshorti i saj vuan nga kanceri në mushkëri dhe nuk ka mundur të vijojë kimioterapinë për shkak të mungesës së ilaçit Docetaxel. Sipas dëshmisë së saj, bashkëshorti duhej të merrte seancën e tretë të kimioterapisë, e cila kryhet çdo 15 ditë, por që prej datës 28 shtator trajtimi është ndërprerë. Ajo rrëfen se janë drejtuar pranë institucioneve shëndetësore, por nuk kanë marrë asnjë përgjigje konkrete. Më tej, ajo ngre shqetësimin edhe për mungesën e mundësisë për të kryer një ekzaminim PET Scan, të cilin bashkëshorti duhet ta kishte bërë disa muaj më parë. Sipas saj, përgjigjja që kanë marrë është se ekzaminimi mund të ofrohet në vitin 2027, ndërsa në privat kushton rreth 1600 euro. Qytetarja tregon se si ajo, ashtu edhe bashkëshorti kanë punuar për dekada me radhë, përkatësisht 32 dhe 42 vite, ndërsa sot, në përballjen me sëmundjen, ndihen të braktisur nga institucionet. “Kam ardhur sot në protestën para Kryeministrisë, edhe pse nuk jam shumë në gjendje të protestoj. Jam paciente e Onkologjikut prej 3 vitesh, bashkë me burrin. Unë jam operuar në gjoks, ndërsa burri vuan nga kanceri në mushkëri. Burri ka qenë duke bërë kimioterapi, por që nga data 28 shtator nuk e ka marrë më trajtimin, sepse nuk ka ilaç. Shkuam te Drejtoria e Shëndetësisë dhe na thanë të prisnim. Kemi lënë numrat e telefonit, por nuk na ka marrë askush. Nuk dimë se si t’ia bëjmë. Burri duhet të merrte seancën e tretë të kimioterapisë. Seancat duhet t’i bëjë një herë në 15 ditë, por që nga data 28 shtator nuk e ka bërë më. Docetaxeli mungon dhe nuk mund ta bëj as jashtë vendit, sepse ka edhe efekte anësore. Në Spitalin Onkologjik nuk ka ilaçe dhe ne nuk kemi asnjë përgjigje. Shkojmë te Ministria e Shëndetësisë dhe na thonë të presim. Nuk dimë ku të ankohemi. Unë kam 32 vite punë, burri 42 vite punë. Kemi punuar për këtë shtet dhe, kur vjen fundi, nuk ka ilaçe. PET Scan-in duhet ta kishte bërë para 6-7 muajsh. Na thonë se do të vijë në vitin 2027. Po ku ta bëj? Më thonë ta bëj në privat, por kushton 1600 euro. Ku t’i gjej unë këto para? Kush do të na përgjigjet ne? Shteti na ka lënë në këtë gjendje, ose të vdesim, ose të bëjnë çfarë të duan. Shteti ka rënë në tokë. Këtë nuk ia falim! Kryeministri thotë: ‘Hajde në dialog’. Të vijë të bëjë dialog me mua! Nuk ke ilaçe për të shëruar njerëzit, çfarë dialogu kërkon?! I bëj thirrje të gjithë rinisë që të mos e ndalë këtë protestë, sepse vendi është i yni, nuk është i këtyre kriminelëve”, ka deklaruar qytetarja.
November 11, 2026