Rama kontrollon 90% të medieve’/ Berisha: Kjo shifër del nga raportet ndërkombëtare

Muharrem Kurti: Përshëndetje doktor Berisha, në fjalën tuaj në Strasburg ju deklaruat se mbi 90% e mediave kontrollohen nga qeveria dhe interesa të lidhura me të.
Çfarë provash konkrete u keni paraqitur institucioneve evropiane për këto pretendime?

Sali Berisha: Faleminderit Muharrem, pyetje e rëndësishme. Raportet ndërkombëtare, kjo shifër nuk është e imja. Nuk është e Partisë Demokratike. Kjo shifër është e disa raporteve ndërkombëtare nga persona që kanë vëzhguar zgjedhjet në Shqipëri. Dhe kjo është e vërteta.
Edi Rama ka përdorur një tregues tjetër të turpshëm. Ka përdorur përmendjen e emrit, dhe duke qenë se mediat e kontrolluara prej tij porositen të sulmojnë nga mëngjesi deri në darkë non-stop dhe të lakojnë me qindra mijëra herë emrin e Sali Berishës dhe Partisë Demokratike, ky i paraqet para audiencës shqiptare, ndërkombëtare si dëshmi se mediat mbështesin opozitën.
Por ne llogaritëm më pas, dhe i kam paraqitur publikisht të gjitha emisionet në katër mediat kombëtare, dalin se mbi 70% të lajmeve, të komenteve, të studiove janë të gjitha për qeverinë.