Një tjetër goditje për Ramën nga SHBA, kongresmeni Ritchie Torres dënon dhunën ndaj protestuesve: Veprimet e policisë, alarmante
Kongresmeni amerikan, demokrati Ritchie Torres shprehet se është thellësisht i shqetësuar nga shpërthimi i dhunës ndaj protestuesve në Shqipëri. Ai i cilëson veprimet e policisë shqiptare si të papranueshme dhe kërkon që ato të marrin fund.
Torres thekson se shqiptarët kanë të drejtë të protestojnë në mënyrë paqësore, ndërsa policia duhet të respektojë këtë të drejtë dhe të garantojë zbatimin e ligjit. Ai kërkon gjithashtu uljen e tensioneve për t’i dhënë fund dhunës alarmante.
Reagimi
“Jam thellësisht i shqetësuar nga shpërthimi i dhunës ndaj protestuesve në Shqipëri. Veprimet e ndërmarra nga policia shqiptare janë të papranueshme dhe duhet të marrin fund.
Shqiptarët kanë të drejtë të protestojnë në mënyrë paqësore. Policia duhet të respektojë të drejtën e protestuesve për të protestuar dhe të garantojë zbatimin e ligjit.
