Presidenti Ilir Meta, në vazhdim të vizitës së tij në Labëri, ka vendosur kurora me lule në kompleksin memorial të Besëlidhjes së Mesaplikut. Në shënimin e tij në Fb sot, bashkë me fotografitë, Meta ka shkruar:
“Kënaqësi të vizitoja kompleksin memorial të Besëlidhjes së Mesaplikut, një prej ngjarjeve madhore që udhëhoqi Labërinë dhe Jugun e vendit në kryengritjet antiosmane të drejtuara nga Zenel Gjoleka. Besëlidhja e Mesaplikut luajti rol të rëndësishëm për të ndezur ndjenjat patriotike për liri dhe ishte një burim frymëzimi edhe për bashkimin dhe ngritjen e Labërise dhe gjithë Jugut në Luftën e Vlorës në vitin 1920.”
