Myslim Murrizi kundër bashkimit të grupit Berisha-Bardhi, publikon letrën e gjatë: Kush harron shpejt, gabon shpesh dhe zhgënjehet shumë

Me anë të reagimit të tij, Murrizi rendit një sërë arsyesh që sipas tij, nuk është bërë pjesë e këtij bashkimi, ndërsa ka bërë me dije se, nuk do të jetë as i pranishëm në mbledhjen e Këshillit Kombëtar të PD.

“Për arsye personale nuk do të jem sot në mbledhjen e Këshillit Kombëtar, por siç thonë “elita” drejtuese apo kupola që ka marrë në dorë frenat e Rithemelimit, unë nuk rri dot pa folur apo pa i bezdisur në rehatinë e tyre, ndaj po ju drejtohem publikisht edhe pse e di që nuk ju vjen mirë. Kush harron shpejt, gabon shpesh dhe zhgënjehet shumë.”, shkruan ndër të tjera në reagimin e tij Murrizi.