Komisioni hetimor parlamentar i Shëndetësisë është rimbledhur këtë pasdite vetëm me anëtarët e PS, pasi opozita nuk ishte prezente për shkak se mbledhja u deklarua e mbyllur nga kryetarja Albana Vokshi.
Kështu, anëtarët e PS kanë miratuar planin e saj hetimor me 8 vota pro, dhe ka rrëzuar atë të opozitës
“Plani ynë është më i gjerë dhe përfshinë edhe propozimet e opozitës”, deklaroi Plarent Ndreca, nënkryetar i këtij komisioni.
Ky propozim, për fillimin e hetimeve ishte parashtruar vazhdimisht gjatë mbledhjes së sotme prej anëtarëve të mazhorancës, por u refuzua nga kryetarja Albana Vokshi dhe anëtarët e tjerë të opozitës.
