Gjimnazistët bojkotojnë mësimin, policia nis shoqërimet

Sërish bojkot mësimi nga gjimnazet në Tiranë. Shkolla e mesme “Qemal Stafa”, “Petro Nini Luarasi”, “Partizani” dhe “Çajupi”, kanë bojkotuar mësimin dhe kanë dalë në protestë.

Situata duket e tensionuar ndërkohë që ka prani të madhe të forcave policore, ndërkohë që gjimnazistët kanë nisur aksionin e tyre dhe kanë lëshuar thirrje kundër qeverisë.

Përplasjet e të rinjve kanë nisur herët mëngjesin e sotëm në ditën e tretë të revoltave të dhunshme. Kanë qenë gjimnazistët e shkollës Petro Nini Luarasi në kryeqytet që janë përplasur me disa efektivë përpara derës së shkollës. Mesa duket policia ka tentuat t’i bëhet barrikadë që ata të mos lënë ambientet e shkollës dhe të dalin në protestë.