Berisha: Nuk pranojmë asnjë bashki me numërim elektronik! Ky numërim është manipuluar edhe me ndërhyrjen e Narko-Shërbimit Informativ
Marsi Korreshi, SYRI TV: Zoti Berisha, ndërkohë pak muaj para zgjedhjeve lokale, Komisioni Qendror i Zgjedhjeve ka bërë edhe një propozim publik dhe një ftesë drejtuar partive politike për implementimin e votimit elektronik në katër bashki të mëdha të vendit. Cili është qëndrimi i Partisë Demokratike?
Sali Berisha: Asnjë bashki nuk pranojmë ne numërim elektronik, në mënyrë të prerë. Partia Demokratike nuk pranon!
Numërimi elektronik është manipuluar në mënyrë të turpshme.
Në numërimin elektronik është implikuar direkt dhe shërbimi informativ kombëtar, narko-shërbimi informativ tani.
Janë krijuar servera paralelë, ka patur probleme të mëdha, ne nuk pranojmë asgjë të manipulueshme më në procesin zgjedhor.
