Gazetari i SYRI TV, Elkier Bushkolaj, komentoi në Çim Peka LIVE serialin e përgjakshëm të vrasjeve mes fiseve Gjini dhe Reçi në Rrëshen të Mirditës.
Ky serial u zhvendos në Tiranë, kur makina e Preng Gjinit u hodh në erë duke tronditur kryeqytetin.
“Atentati ndaj Gjinit ishte i paralajmëruar,” tha Bushkolaj.
“Por prishja e pazareve të drogës është përzier me gjakmarrjen. Kjo e bën akoma dhe më të rrezikshme situatën sepse mund të vriten edhe njerëz të pafajshëm.
Ministri i Brendshëm është nga Mirdita, Sekretari i Përgjithshëm i Ministrisë së Brendshëm nga Mirdita, nëndrejtori i Policisë së Shtetit është nga Mirdita.
Si ka mundësi që nuk zbardhin këtë dosje. Jo vetëm nuk e zbardhin, por mund të jenë bërë palë për të ndikuar në përshkallëzimin e kësaj dosje,” tha ai.
