Bota
Sociale
Sport
Kulturë
Koment
Kosovë

Standardet e dyfishta në drejtësi/ Bushati: Është e politizuar, punon për pushtetin e Edi Ramës!

Standardet e dyfishta në drejtësi/ Bushati: Është e politizuar, punon për pushtetin e Edi Ramës!

Sistemi i ri i drejtësisë në Shqipëri është vënë nën akuza të rënda për funksionimin me dy standarde, një praktikë që sipas analistëve duket se favorizon sistematikisht pushtetin aktual dhe godet kundërshtarët e tij politikë.

I ftuar në ‘Çim Peka Live’, analisti Andi Bushati u shpreh se ky nuk është një fenomen i rastësishëm apo pasojë e gabimeve profesionale, por një strategji e mirëmenduar politike që ka përfitues të qartë.

Sipas tij, ky standard i dyfishtë manifestohet përmes një sërë veprimesh të cilat kanë prekur drejtpërdrejt opozitën, ndërsa këto veprime interpretohen si pjesë e një përpjekjeje për të përdorur drejtësinë si një mjet për të dobësuar opozitën.

Bushati nuk e kurseu ironinë, ku tha se pushteti sakrifikon “gurë” pa vlerë, ndërkohë që godet “mbretin dhe mbretëreshën” e kampit kundërshtar.

Për analistin, Shqipëria rrezikon një kthim pas në kohë, në një sistem ku drejtësia nuk është e pavarur, por shndërrohet në një “armë politike” në duart e pushtetit për të eliminuar kundërshtarët.

Një drejtësi me dy standarde, kush përfiton nga këto dy standarde? Se mund të kesh dy standarde, po ke një drejtësi difektoze, jo profesionale, që i marrin vendimet njëherë kështu, njëherë ashtu, njëherë të bardhë, njëherë të zezë për të njëjtën çështje. A kanë qenë pothuajse këto dy standarde gjithmonë në përfitim të pushtetit? Këtu lind pyetja themelore. Dhe nuk është vetëm Meta dhe Karçanaj, po është që ti sot gjashtë bashki fitoi opozita e vetë. Një ja more e shkretë. Një ja more me SPAK dhe me GJKKO. Një lider partie opozitare e ke në burg. Berishën rrezik po e llogarisin që të arrijë kulmin e procesit para zgjedhjeve.

Pra, pamë të gjithë procesin nga këto dy standarde, na del që këto dy standarde janë të tilla sepse kemi të bëjmë me një drejtësi të politizuar dhe me drejtësinë që punon për këtë pushtet dhe ky pushtet dihet, është vetëm Edi Rama. Prandaj, në këtë kuptim, në qoftë se pranojmë konceptin e dy standardeve, në një farë mënyre i kemi dhënë përgjigje pyetjes, që a e kontrollon Edi Rama drejtësinë? Dhe analizimi rast pas rasti i këtyre dy standardeve, gjithmonë këto dy standarde kanë qenë në dëm të kundërshtarëve të Ramës dhe në favor të Edi Ramës, si rasti Mirlinda dhe Ilir Meta.

Nuk po flasim për pasionet e Edi Ramës. Po flasim për ekuilibrat e pushtetit. S’e mori as mandat. E, si rrezikon pushtetin, se Beqja vërtet sot vuan në burg prej dy vitesh, por unë dhe ti vazhdojmë paguajmë për koncesionet që Beqja firmosi për llogari të Edi Ramës. Dhe ky është thelbi. Pra, bën ndonjë retushim drejtësia edhe nga pushteti i Edi Ramës, po nuk i prek thelbin e pushtetit.

Ndërsa kur godet nga ana tjetër, kur përdor standardin e dyfishtë nga ana tjetër, godet në zemër të kundërshtarëve të Ramës. Dhe ne pas viteve ’92-’97, pra kohës së Berishës së parë, unë mendoj që ne jemi kthyer te drejtësia politike, te drejtësia që përdoret si armë nga pushteti për të goditur kundërshtarin. Dhe prandaj ne e kemi lehtë të flasim për drejtësinë me dy standarde, se qëllimi final është ky.

Share it :

Lajmet e fundit
Krahasimi, Paloka kujton filmin italian: Nuk është problem ‘thatësira’ për integrimin e vendit por mafia… ‘Balluku’ Nga një moment kyç dhe një vërtetim suksesi, në një hap procedural pa rëndësi. Ky është ndryshimi drastik i narrativës së qeverisë shqiptare në lidhje me raportin e IBAR, duke ngritur pyetje mbi arsyet e vërteta të këtij ndryshimi qëndrimi. Ndërsa deri para pak muajsh miratimi i raportit shihej si një vijë finishi, tashmë rëndësia e tij po minimizohet, duke lënë të kuptohet se procesi i integrimit evropian të Shqipërisë ka hasur në një pengesë të madhe. Sipas deputetit demokrat Edi Paloka që ishte i ftuar në emisionin e mëngjesit “Kafe Shqeto” në Syri tv, arsyeja e këtij ngërçi nuk duhet kërkuar te 101 kushtet teknike të vendosura nga Bashkimi Evropian, por te një çështje specifike politike që mban emrin “Belinda Balluku”. Sipas tij, mosveprimi për këtë rast është kthyer në arsyen kryesore të bllokimit të negociatave. Qeveria, në përpjekje për të shmangur vëmendjen nga ky problem thelbësor, akuzohet se po përdor një taktikë diversioni, duke theksuar kushte të tjera si ato mjedisore. Kjo situatë është krahasuar në mënyrë ironike me një skenë nga filmi “Johnny Stecchino”, ku një mafioz ankohet se problemi më i madh i Palermos është “thatësira”, duke injoruar plotësisht praninë e mafies. Në mënyrë analoge, theksohet se “thatësira” e vërtetë e procesit të integrimit shqiptar nuk janë kushtet teknike, por çështjet e lidhura me pandëshkueshmërinë në nivele të larta politike. Sipas deputetit demokrat bëhet e ditur se presioni ndërkombëtar është rritur ndjeshëm. Përfaqësues të lartë të BE-së, dhe veçanërisht të qeverisë gjermane, raportohet se i kanë komunikuar qartë kryeministrit Edi Rama se pa një zgjidhje për rastin në fjalë, që përfshin dorëzimin e imunitetit, Shqipëria jo vetëm që nuk do të përparojë, por rrezikon të bëjë hapa pas në rrugën e saj evropiane. Ngecja aktuale në proces nuk është thjesht një vonesë, por një bllokim me pasoja konkrete që mund të çojnë në regresin e aspiratës evropiane të vendit vlerësoi Paloka. Flavio Qarri: Tani pyetja është e thjeshtë Paloka, për publikun që po na ndjek, le ta bëjmë sa më të thjeshtë që është e mundur. Çështja është, nëse IBAR-in deri nga dhjetori këta e trajtonin që do të ishte, le të themi kufiri i ri i vërtetimit të suksesit të tyre, pse këto muajt e fundit po thonë të kundërtën, që nuk ka asnjë lloj rëndësie në ecurinë për Bashkimin Evropian? Edi Paloka: Është kjo që sapo the ti Flavio, është e vërtetë, por është po aq e vërtetë që kufiri që caktove ti ka qenë deri me 12 maj. Sepse kishte nga ata, jo direkt Rama po, me ato mënyrat e tij që spinon domethënë nëpër media po me ndonjë figurë dytësore politike. Kishin lënë të kuptohej sikur me datë 12 raporti i IBAR do kalonte. Por thashë, duke përdorur kështu figura dytësore në mënyrë që mos dilte krejt bllf Rama. Rezultatin e pamë dhe pjesa që IBAR është i parëndësishëm apo ka edhe humore të tjera të kësaj qeverie, si ajo deklarata e kësaj komisioneres tonë për integrimin, që tha na ka vënë 101 kushte Bashkimi Evropian dhe më i rëndësishmi është ai i mjedisit, tha. Se kjo më kujtoi, më kujtoi një detaj, besoj Johnny Stecchino e kanë pare. Është ai detaji kur ky qytetari naiv që e luan Roberto Benigni, dy rolet, nga veriu shkon dhe e pret mafiozi në aeroport dhe ndërkohë që ecnin, ai i shpjegonte hallet që ka Palermo dhe ka një moment aty që i thotë, Palermo thotë, Palermitanët kanë një problem shumë të madh thotë, që e vuajnë por na e kanë nxjerrë dhe namin e keq në gjithë botën i thotë. Një problem domethënë që po na turpëron, që na ka bërë kështu e domethënë gjithë zezat dhe në fund i thotë, cili është ky problem? thotë. Është thatësira, i thotë ai. Domethënë, problemi që ishte kulmi i mafies në Palermo dhe ky i thotë kemi këtë problem e madh që është thatësira. Edhe puna e këtyre 101 kushteve që përmendëm këta, që tha mjedisi, sigurisht mjedisi është shumë i rëndësishëm. Por ne e dimë të gjithë se cila është thatësira e këtyre. Është Belinda Balluku, sepse tashmë e kanë marrë vesh edhe më të fundit e shqiptarëve dhe ata që nuk kanë fare lidhje me informacionin direkt, që arsyeja kryesore e bllokimit këtë herë të negociatave dhe të integrimit dhe bllokimi i raportit të IBAR ka emrin Belinda Balluku, që nënkupton Edi Ramën. Kësaj po përpiqet Rama t’i shmanget sa më shumë, e kemi parë në të gjithë daljet e fundit, që përveç se mbron Ballukun dhe aktin e tij në parlament, përpiqet të bëjë pastaj këtë që thatë ju, që ta bëjë sa më të parëndësishëm këtë hap të procesit të integrimit, pra miratimin e raportit të IBAR. Po e vërteta është që, nëse arrin me këta burokratët e Komisionit apo të Bashkimit Evropian të blejë ndonjërin këtu apo atje Rama, kur vjen puna pikërisht në këtë hap të procesit, siç është edhe miratimi i raportit të Ibar, ku vendosin shtetet, nuk pi më ujë “kosi”. Në këtë rast. Domethënë “kosi” mund të thotë ç’të dojë, mund të bëjë fletë, mund të nxjerrë fletë lavdërimi sa të dojë për Ramën aty, po nuk i pi ujë “kosi” në këtë rast tek shtetet, të cilët kanë informacionet e tyre, njohin realitetin dhe në fund fare vendosin ata. Nuk vendos as “Kosi”, as dikush tjetër nga këta që mban me rrogë Rama. Dhe këtu ka ngecur dhe këtu sigurisht do të ngeci Rama. Flavio Qarri: Tani, çfarë do të thotë të ngeci? Okej, e kuptoj pjesën e avancimit, e kuptoj pjesën e parakalimit të Malit të Zi, por a ka pasoja kjo ngecje konkrete? Edi Paloka: Sigurisht, pasojat janë jo thjesht vonesa, sepse po rithem një fakt që tashmë është thënë e stërthënë. Kur erdhi Kirschbaum, megjithëse nuk është dashur bërë publike me kërkesë të tij, po tash ajo është bërë publike. Kur erdhi Kirschbaum në Shqipëri apo dhe grupet e tjera, delegacionet e tjera të Komisionit Evropian, Bashkimit Europian, partive popullore, po sidomos përfaqësuesit e qeverisë gjermane, ja kanë thënë troç Ramës. Ramës dhe atyre të tjerëve mbas tij, si Taulant Balla e këta zarat që ka Rama që i mban ison. Nëse nuk lëshoni Belinda Ballukun, nëse dorëzoni imunitetin e Belinda Ballukut, jo vetëm do bllokohet integrimi, por do të ktheheni pas. Dhe kjo po ndodh…
May 14, 2026