Bota
Sociale
Sport
Kulturë
Koment
Kosovë

Reforma, vettingu lakuriq me vegla në dorë

Reforma, vettingu lakuriq me vegla në dorë

Nga Basir Çollaku

Një video e publikuar nga avokati Arben Llangozi, nxjerr rehatinë emocionale të komisionerëve nëpër plazhe. Zbulon merakun ndërkombëtar për të qëndruar drejt. Së paku një institucion trupor. Rivlerësimi në brez e poshtë duket se ka rrëmbyer prioritetet e ndërkombëtarëve në të ashtuquajturën reformë në drejtësi. Ca sarhoshë me telashe penale dhe jo vetëm, u ngulën në një komision batakçillëku për të larguar e lënë në detyrë prokurorë e gjyqtarë sipas oreksit të Ramës. Platforma “Soros” kishte bërë gati çdo gjë me detaje. Me emra. Me poste.

Me dorëzim të kontrolluar të sistemit në duart e KM. Ka edhe video të tjera. Foto plot. Shikoni Theo belgën. Një i hetuar në Kosovë nga EULEX për ushtrim të ndikimit të paligjshëm, kallëzuar nga britanikë brenda misionit. Ka edhe ai imazhe romantike diku nëpër ekipin e ndërkombëtarëve. Një tjetër komisioner, pasi u bë baba në vetting me një tjetër sojnike të reformës, pastaj u zhduk i trembur nga Shqipëria. Por atësia me ADN është kollaj.

Sigurisht, ne përfunduam me një proces ligjor të mbikëqyrur nga një kompani kanalizimesh austriake, ku aksioner ishte ish-kryeministri i akuzuar për afera të paligjshme, Sebastian Kurz. Këta kaqolë importi janë aksionerë të vrasjes së drejtësisë në Shqipëri, për llogari të pushtetit kriminal të Edi Ramës. Me leje të 140 votave frikacake, si pasojë edhe e presioneve nga ambasada amerikane në atë kohë me Donald Lu. Atë Donaldin, gojëmbullur për kanabizimin e Shqipërisë.

Apo ai puthësi pasionant i Vlahutin në Kuvend, për qokën e realizuar ndaj padronit Soros, kur 140 kartona, mes tyre të inkriminuar, u bënë yes-menë të heshtur. Ca marrëveshje demek sekrete, me KPK dhe KPA, ku të huajt e monitorimit hynin e bënin sallatë edhe në Shërbimin Informativ. Sigurisht, duart e drejtoreshës së karburanteve të Tigrave 1 dhe 2, Yuri Kim, janë aty si shkatërrim më vete. Këta kasapë juridikë kapën e thërmuan institucionet. Zaptuan drejtimin për vete. Lanë vendin pa Gjykatë Kushtetuese tre vite, derisa çuan ushtarët e tyre.

Masakruan hartën gjyqësore. Nuk lanë sigurims-soroist pa vënë drejtues. Dhe pastaj lotuan me hipokrizi kur plumbat hynë në sallën e gjyqit nga depresioni i drejtësisë së vonuar, të zvarritur, të padhënë në drejtimin ku prova të çonte. Pasi i hoqën brekët ligjit dhe së drejtës, u kujdesën për eros-drejtësinë. Kjo sjell emergjencën e ribërjes së reformës.

Rishikimit të shumë vendimeve të gabuara me porosi qeveritare. Largimin e shumë magjistratëve nga sistemi, sepse ishin këtej dhe jo andej. Kjo duhet të jetë e panegociueshme.

Kjo video e të tjera tregojnë se si ata bënë kuplara drejtësinë.

Share it :

Lajmet e fundit
Koncesioni i check-up/ Milva Ekonomi i dha mln € Vilma Nushit, paratë u investuan te kulla e Pak ditë më parë, emisioni “Plug” në Syri TV bëri një përmbledhje me fakte dhe dokumente konkrete të abuzimeve që janë bërë nga shteti shqiptar me koncesionet e shëndetësisë, një prej tyre edhe koncesioni i check-up, një skemë e madhe abuzimi me taksat e qytetarëve shqiptarë. Për këtë koncesion u hap një garë ku morën pjesë disa kompani me eksperiencë në fushën e kryerjes së analizave mjekësore, por fituese u shpall 3P Life Logistic e Vilma Nushit. Do të hyjmë në detaje dhe do të kuptojmë se jemi përpara një gare fiktive me fitues të paracaktuar. Së pari, kjo kompani u themelua më 9 dhjetor 2014, ndërsa kontrata koncesionare u firmos dy ditë pa u mbushur muaji, më 7 janar 2015. Ndërkohë, gara për koncesionin e check-up u shpall që në shkurt 2014. Thënë ndryshe, 11 muaj përpara se të lidhej kontrata me kompaninë që Vilma Nushi themeloi një muaj përpara se të firmoste marrjen e koncesionit prej 138 milionë eurosh. Dhe çudia më e madhe qëndron te fakti se shpallja e fituesit zyrtarisht u bë më 6 tetor 2014, dy muaj përpara se të themelohej kompania që do të fitonte kontratën koncesionare. Pas firmosjes së kontratës koncesionare në fillim të muajit janar 2015 nga Ministria e Shëndetësisë dhe kompania 3P Life Logistic, Agjencia e Prokurimit Publik refuzoi publikimin e kësaj kontrate pasi konstatoi shkelje të rënda ligjore. E para, kontrata u dërgua në APP pa numër protokolli dhe pa u firmosur nga titullari i institucionit. E dyta ishte shuma totale që shteti shqiptar do të paguante në fund të 10 viteve koncesion, si dhe mënyra e pagesës, që sipas APP-së, në formularin e dërguar nga MSH deklarohej se pagesa për check-up do të kryhej në bazë të numrit të analizave që do të kryheshin. Dhe këtu ka një mospërputhje në lidhje me vlerën totale të kontratës së nënshkruar. Konkretisht, në formularin e dërguar me shkresën nr. 3082/23 Prot., datë 20.01.2015, në pikën 5 jepet vlera totale e kontratës 13.833.000.000 lekë. Ndërkohë, në formularin e dërguar me shkresën nr. 3082/27 Prot., datë 10.02.2015, në paragrafin IV.4 shkruhet shprehimisht se: “Vlera reale do të jetë në varësi të numrit të kontrolleve”. Gjashtë ditë më pas, Ministria e Shëndetësisë firmos edhe njëherë formularin e njoftimit të kontratës së nënshkruar dhe më datë 19.02.2015 ministri i atëhershëm, Ilir Beqaj, i delegon kompetencën vartëses së tij, Milva Ekonomi, që të firmosë formularin e fituesit të kontratës koncesionare. Në këtë shkresë, përveç firmës dhe vulës së Ministrisë së Shëndetësisë, deleguar te Milva Ekonomi, saktësohet në pikën IV.3 se: “Vlera totale e kontratës do të jetë 13.833.000.000 lekë”, apo rreth 138 milionë euro për dhjetë vjet. Ndërsa në pikën IV.4 saktësohet: “Vlera e sipërcituar është vlera e dhjetë viteve të marra së bashku për numrin maksimal të kontrolleve për grupmoshën 40-65 vjeç. Vlera reale e kontratës do të jetë më e ulët pasi ajo do të llogaritet në varësi të numrit të kontrolleve që do të kryhen çdo vit”. Do të mjaftonte vetë ky dokument, që minimalisht sot SPAK ta kishte marrë të pandehur zv.ministren e asaj kohe, Milva Ekonomi, e cila me dashje i ka shkaktuar disa milionë euro dëm buxhetit të shtetit, pasi me firmën e saj ka kryer pagesa në kundërshtim me kushtet e parashikuara në kontratë. Por skandalet nuk mbarojnë këtu. Në pikën 3 të kontratës përcaktohet se: Kjo ndodhi për një arsye. Vilma Nushi, sipas kontratës, 20 laboratorët do të duhej t’i ndërtonte në qendrat shëndetësore të Ministrisë së Shëndetësisë dhe, në përfundim të koncesionit, ky investim do t’i mbetej si aset shtetit shqiptar. Gjë që nuk ndodhi asnjëherë. Sipas kontratës që shihni në ekran, nënshkruar mes kompanisë së Vilma Nushit dhe kompanisë Intermedica të deputetit të PS-së, Vasil Llajo, çmimi për një check-up te Intermedica për Vilma Nushin do të kushtonte 740 lekë me TVSH. Pra, ndërkohë që shteti do t’i paguante Vilma Nushit 1844 lekë me TVSH për kryerjen e një pakete check-up, ajo e delegoi këtë shërbim te nënkontraktori për një çmim prej 740 lekësh me TVSH. Me vetëm këtë skemë, Vilma Nushi ka përfituar për çdo analizë rreth 11 euro. Gjithçka me firmën e hedhur nga ish-zv.ministrja Milva Ekonomi. Në një përballje me gazetarin Freard Rista, zonja Ekonomi mohoi të kishte lidhje me këtë formular kontrate, pavarësisht se emri dhe firma e saj janë të zeza mbi të bardhë. Kompania e Vilma Nushit, Marketing & Distribution, e cila ka në pronësi koncesionin e check-up nëpërmjet kompanisë 3P Life Logistic, rezulton gjithashtu se ka financuar edhe kompaninë “Victoria Construction”, e cila po ndërton kullën “Ekspozita Building”. Deri këtu do të ishte diçka normale, nëse pas kësaj kulle nuk do të qëndronte një emër si ai i Ervin Matës, i arrestuar së fundmi në Brazil me kërkesë të SPAK-ut për trafik droge. Konkretisht, në vitin 2018, kompania Marketing & Distribution kalon për llogari të shoqërisë “Victoria Construction” një shumë prej 1.1 milionë eurosh. Nga të dhënat e bilanceve të kompanisë “Victoria Construction”, nuk specifikohet arsyeja pse Vilma Nushi i ka dhënë një shumë të tillë monetare kompanisë. Derdhja e parave u bë vetëm një vit përpara se të firmosej leja e ndërtimit për kullën “Ekspozita Building”. Pra, në vitin 2018 Vilma Nushi paguan këstin e parë të parave për llogari të kompanisë së Luan Matës, ndërsa në vitin 2019, me firmë të Edi Ramës dhe Belinda Ballukut, u miratua edhe leja e zhvillimit. Kujtojmë se pikërisht në vitin 2018, kur Vilma Nushi ka deklaruar se ka futur për investim 1.1 miliardë lekë në kullën e Ervin Matës, ka marrë edhe dividendin e parë nga kompania e check-up, në vlerën e rreth 1.2 miliardë lekëve, përafërsisht sa shuma që futi te kulla e Ervin Matës. Edhe për këtë gjë, zonja Ekonomi u pyet nëse ndjen ndopak përgjegjësi morale që me firmat e saj pasuron privatin, i cili më pas këto lekë të fituara nga taksapaguesit shqiptarë i investon tek personazhe me rekorde kriminale, por nuk ktheu përgjigje, duke kyçur gojën dhe nxituar këmbët për të votuar. /Piranjat news
May 23, 2026