Kreu i Partisë Demokratike, Sali Berisha ka folur në një intervistë për emisionin “Quo Vadis” të moderatores Pranvera Borakaj në Vizion Plus.
Ai tha se deputetët e PD do të shkojnë në Parlamentin Europian për të informuar për situatën e Shqipërisë, teksa theksoi se politika dhe qeveria kanë lidhje me krimin.
Pyetje: Në 22 dhe 23 tetor të gjithë deputetët e PD do të shkojnë në Strasburg për tu takuar me deputetët e Parlamentit Europian për t’i sqaruar në lidhje me problemet me të cilat perballet opozita dhe vendi. Çfarë mund t’i sjellin këto takime opozitës në një kohë kur kryetari i PD është shpallur non grata nga SHBA dhe Britania e Madhe, a mjaftojnë këto takime për të hequr imazhin e një force të izoluar nga faktori ndërkombëtar?
Berisha: Së pari, deputetët e opozitës, të PD dhe partive të tjera janë deputetët lokomotivë e vërtetë e integrimit të shqipërisë në BE dhe PD ka qenë,mbetet e vendosur në çdo përpjekje për përshpjetimin ne procesit të integrimit. Së dyti, duhet të pranojmë se për një arsye ose për një tjetër ekziston një dizinformim i gjerë rreth zhvillimeve në Shqipëri. Sot gjithnjë e më i egër, më i fuqisdhëm bëhet gara midis informacionit të vërtetë dhe gënjeshtrës. Për fat të keq gënjeshtra ecën më shpejt dhe ka jo vetëm në Bruksel, por kudo ka një mungesë të njohjes së këtij realiteti, i cili tejkalon imagjinatën e njeriut. Miq të mi të huaj, që janë marrë dhe merren me Shqipërinë më thonë se këto që ndodhin këtu janë shumë vështirë të imagjinohen, por janë një realitet. Edhe ky fakt e ka bërë të vështirë njohjen e realitetit. Deputetët tanë shkojnë në PE me qëllimin për një informacion mbi gjendjen dramatike në Shqipëri: bllokimin e reformës zgjedhore dhe kontrollin e pushtetit, kontrollin e zgjedhjeve, arrestimin dhe ndjekjen penale të liderëve të opozitës. Korrupsionin galopant të papëmbajtur, aferat e mëdha të Edi Ramës, djegësat, afera e Al Alabarit, Gjipeja e dhjetëra afera të tjera të cilat nuk dënohen nga prokuoria politike. Shkojnë për të informuar me fakte Parlamentin Europian se në Shqipëri vendimmarrës është krimi i lidhur me Edi Ramën, me qeverinë. Shkojmë për të kërkuar krijimin e komisionit të së vërtetës. Vetëm maja e ajsbergut ka dalë dhe del se Taulant Balla, Edi Rama janë të lidhur me vrasës me trafikante, akuzohen për vrasje, për porosi vrasjes, për trafiqe. Është jetike që të zbardhet e vërteta e lidhjes së poilitikës me krimin. Është e domsdoshme të informohet PE mbi mitin e ndërtuar mbi mashtrimin dhe gënjeshtrën. Reforma në Drejtësi është një nga dështimet më spektakolare në historinë e Europës dhe ka dy pasoja kryesore: mohimin e procesit të drejtë ligjopr për qytetarët shqiptarë si rezultat i stokut të dosjeve. Sot një qytetar shqiptar duhet të presë mbi 14 vite për një vendim civil. Vetëgjyqësia është sot mënyra kryesore si i zgjihnin shqiptarët problemet. Kjo reformë shndërroi drejtësinë në një degë të kontrolluar nga Edi Rama dhe krimit. /vizionplus.tv
