Tiranë, arrestohet autori i një sërë vjedhjesh në autobusë

Policia e Tiranës ka arrestuar  një 37-vjeçar, i dënuar më parë për vjedhje.

Sipas burimeve të policisë, në linjën e autobusëve të unazës 37-vjeçari Stefan Agolli i ka vjedhur pasditen e djeshme portofolin një gruaje, me një shumë prej 7200 lekësh.

Pas denoncimit nga ana e gruas , blutë e kryeqytetit kanë mundur të kapin Agollin, teksa ky i fundit ishte duke hedhur në Lanë sendet e vjedhura.

Ndërkohë që, pas kontrollit në banesën e 37-vjeçarit u bë dokumentimi i 10 vjedhjeve të tjera.