Driçim Çaka
Nga 18 972 kuota të miratuara një vit më parë, Këshilli i Ministrave ul në mënyrë drastike pranimet për master
Miratohen kuotat e pranimit për “Master profesional” dhe “Master shkencor”. Kuotat kanë pësuar një ulje të konsiderueshme me një vit më parë. Nga 18 972 kuota që ishin vitin e kaluara për këtë vit janë miratuar vetëm 12 940, pra 6032 kuota më pak. “Kandidatët, që kanë përfunduar me sukses një program studimi, kanë të drejtë të ndjekin një program të dytë studimi, brenda numrit të kuotës së përcaktuar nga Ministria e Arsimit dhe e Sportit, sipas kritereve të përcaktuara nga vetë institucionet publike të arsimit të lartë për pranimet në një program të dytë studimi dhe rregullave të parashikuara në këtë vendim. Transferimet e studentëve në numrin përkatës të kuotës bëhen bazuar në udhëzimin e ministrit të Arsimit dhe Sportit dhe sipas kritereve të meritës, të përcaktuara nga vetë institucionet publike të arsimit të lartë dhe në këtë vendim. Studentët transferojnë studimet nga një program i ngjashëm studimi i mëparshëm “Master profesional” në një program tjetër studimi “Master profesional” apo nga një program studimi “Master i shkencave” ose “Master i arteve të bukura” në një program tjetër studimi “Master i shkencave” apo “Master i arteve të bukura”, në institucionet publike të arsimit të lartë, duke iu nënshtruar tarifës për kredit të programit të studimit, në të cilin ata kanë kërkuar të transferojnë studimet”, – përcakton vendimi i qeverisë.
Kriteret
Përveç uljes së kuotave të pranimi, kriteri që pritet të penalizojë mijë studentë është mesatarja. MAS ka propozuar që asnjë student të mos pranohet për studimet master nëse nuk ka mesataren mbi 6, dhe ky propozim është miratuar nga qeveria. “Studentët, që do të aplikojnë për të vazhduar studimet në një program studimi të ciklit të dytë me kohë të plotë, “Master profesional” dhe “Master i shkencave” apo “Master i arteve të bukura” apo kërkojnë të transferojnë studimet e tyre, duhet të kenë notë mesatare të studimeve të ciklit të parë më të lartë se nota gjashtë, si dhe notë mesatare të të gjitha viteve të shkollës së mesme më të lartë se nota gjashtë”,- thuhet në vendimin e qeverisë. Çdo program studimi i ciklit të dytë me kohë të plotë, “Master profesional” dhe “Master i shkencave” apo “Master i arteve të bukura” fillon veprimtarinë akademike në vitin e parë, për vitin akademik 2014 – 2015, në rast se në këtë program studimi regjistrohen së paku 10 studentë.
Tarifa
Pagesa e tarifës për të gjitha programet e studimeve të ciklit të dytë me kohë të plotë, “Master profesional” dhe “Master i shkencave” apo “Master i arteve të bukura”, bëhet me këste të përcaktuara nga institucioni publik i arsimit të lartë. Kësti i parë parashikon pagesën në masën 30% të tarifës totale dhe paguhet menjëherë me regjistrimin e studentit në programin përkatës të studimit. Pas përfundimit të kohëzgjatjes normale të programit të studimit, studentët, të cilët nuk e kanë përfunduar ende programin përkatës dhe nuk kanë shlyer të gjitha provimet e parashikuara në atë program studimi deri në përfundim të vitit akademik, konsiderohen studentë ngelës/përsëritës. Për lëndët përsëritëse, studentët paguajnë çdo vit akademik dyfishin e tarifës për kredit të parashikuar në këtë vendim. Përcaktimi i sipërpërmendur do të aplikohet për vitin akademik 2014 -2015 e në vazhdim, gjithashtu edhe për të gjithë studentët e regjistruar në vitet akademike të mëparshme, të cilët nuk kanë përfunduar programet përkatëse të studimeve dhe do të jenë përsëritës.
KUOTAT
Kuotat e përgjithshme të pranimit në institucionet publike të arsimit të lartë për vitin akademik 2014 – 2015, në programet e studimeve të ciklit të dytë me kohë të plotë, “Master profesional”, janë 6 393 kuota gjithsej, të ndara, si më poshtë vijon:
-Kuota për pranimet e reja 6243
-Kuota për program të dytë studimi 60
-Kuota për transferim studimesh 60
-Kuota për shtetasit e huaj 30
Kuotat e pranimeve të reja për “Master profesional” përbëhen nga:
-Kuotat e pranimit për kandidatët brenda territorit të vendit 5823
-Kuota për shqiptarët nga trojet jashtë kufijve të vendit 250
-Kuota për të verbrit 15
-Kuota për romët dhe ballkano-egjiptianët 15
-Kuota për invalidët paraplegjikë dhe tetraplegjikë 15
-Kuota për jetimët 15
-Kuota për ish-të dënuarit dhe të përndjekurit politikë 110
Kuotat e përgjithshme të pranimit në institucionet publike të arsimit të lartë për vitin akademik 2014 – 2015, në programet e studimeve të ciklit të dytë me kohë të plotë, “Master i shkencave” dhe “Master i arteve të bukura”, janë 6547 kuota gjithsej, të ndara, si më poshtë vijon:
– Kuota për pranimet e reja 6397
-Kuota për program të dytë studimi 60
-Kuota për transferim studimesh 60
-Kuota për shtetasit e huaj 30
Kuotat e pranimeve të reja për “Master i shkencave” dhe “Master i arteve të bukura”, përbëhen nga:
-Kuotat e pranimit për kandidatët brenda territorit të vendit 6087
Kuota për shqiptarët nga trojet jashtë kufijve të vendit 250
-Kuota për të verbrit 15
-Kuota për romët dhe ballkano-egjiptianët 15
-Kuota për invalidët paraplegjikë dhe tetraplegjikë 15
-Kuota për jetimët 15Kuotat e pranimit dhe tarifat e shkollimit të plota do ti gjeni në faqet e brendshme të gazetës Standard
