Bota
Sociale
Sport
Kulturë
Koment
Kosovë
  • Home

Rihana mund ta mbajë për një javë Romeron, nëse fiton Botërorin

ARCHI_224949Tashmë duket se gjithçka shkon mirë për Romeron. Jo vetëm në punën që ai bën, por edhe jashtë saj. Portieri ka marrë vëmendje edhe nga femrat, duke përfshirë këtu edhe Rihanën. Këngëtarja me famë botërore ka shfaqur interes për portierin e Argjentinës, Serxho Romero, heroi që dërgoi albiçelestët në finalen e Botërorit dhe tashmë është bashkëshortja e gardianit që i bën një premtim special këngëtares nga Barbados: “Nëse shpallemi kampionë bote, do të ta fal për një javë”. Në shaka e sipër, Eliana Guersio, gruaja e portierit të Monakos, ka reaguar ndaj tweet-it të Rihanës për portalin argjentinas “TN”. Gjatë ndeshjes Argjentinë-Iran, Rihana shprehej për Romeron me fjalët: “Romero is on point”.

 

Bashkëshortja ngushëllon Shnajderin

Holanda pardje pësoi eliminimin nga penalltitë dhe Shanjderi ishte një nga dy lojtarët që gaboi nga pika e 11-metërshit. Fantazisti tulipan është gjithmonë i saktë nga ky pozicion, mirëpo presioni i ushtruar dhe nga humbja e parë e penalltisë nga Vlari, bëri që futbollisti i Gallatasarajit të humbte toruan. Një penallti që hodhi poshtë shpresat dhe solli edhe largimin e Holandës, duke mërzitur jo vetëm futbollistin e Gallatasarajit, por të gjithë tifozët “tulipanë” në të gjithë botën. Por Jolante Kabau, bashkëshortja e mesfushorit, mendon krejt ndryshe. Ajo ndjehet krenar me kampionin e saj dhe për këtë arsye ka postuar në Whosay disa foto romantike me Shnajderin. Një gjest mjaft mbështetës për lojtarin që ndihet i trishtuar që la skuadrën e tij jashtë finales.

 

Tifozët brazilianë djegin fanellën e Nejmarit

Irritimi i brazilianëve pas humbjes turpëruese në gjysmëfinalen kundër Gjermanisë nuk njeh limite. Edhe pse ylli i skuadrës, Nejmar, nuk mundi të luante për shkak dëmtimi, disa tifozë të Seleçaos, shumë të mërzitur nga rezultati tenistik i “pancerave”, 7-1, kanë djegur fanellën e Nejmarit. Djegies nuk i ka shpëtuar as flamuri kombëtar brazilian. Gjermania arriti një rezultat historik, duke turpëruar Brazilin në shtëpinë e tij dhe duke prekur finalen e madhe të “Maracana”-së. Kjo ka shkaktuar edhe tërbimin e tifozëve që arritën deri aty sa dogjën edhe disa autobusë që gjendeshin në Sao Paolo. Një popull që njihet për dashurinë e futbollit ndërkohë që në këto momente po përjeton një zi, edhe pse ka mbetur edhe finalja e madhe për të luajtur.

 

Klinsman feston me pasta triumfin e Gjermanisë

Jurgen Klinsman u eliminua me Amerikën e tij nga Belgjika në fazën e parë eliminatore dhe u detyrua t’i thoshte lamtumirë Botërorit Brazil 2014. Mirëpo fitorja historike e Gjermanisë ndaj Brazilit në gjysmëfinalen e parë të Brazil 2014 ka bërë që në rrjetet sociale të plasë ironia kundrejt Seleçaos. Nga ky rast ka përfituar edhe tekniku gjerman i SHBA-së, Jurgen Klinsman. Ish-kampioni i botës në 1990 i ka bërë një reklamë të vogël pastiçerisë së tij në Shtutgart, teksa ka publikuar në profilin e tij në “Twitter” foton e një paste, e cila i dedikohej fitores 7-1 të “pancerave” në Belo Horizonte. Kujtojmë se lojtari ka qenë edhe një ndër lojtarët kryesorë të botërorit të 1990 teksa vendi i tij ndodhet pikërisht pas 24 vitesh në finale.

 

Share it :

Lajmet e fundit
Mato: Pastrimi i parave në ndërtim po lë të rinjtë pa strehë: Të monitoren transaksionet Në një kohë kur Tirana dhe zonat turistike të Shqipërisë përjetojnë një bum të jashtëzakonshëm ndërtimi, me kulla që ngrihen çdo ditë, një pyetje thelbësore po shqetëson gjithnjë e më shumë publikun: nga vijnë të gjitha këto para? Alarimin e ngriti Fanswa Mato, anëtar i departamentit “Brain Gain” në PD, i cili nga tryeza e diskutimit ‘Qeveria e Pasigurisë – dhe alternativa e opozitës’, denoncoi se pas fasadës së projekteve luksoze fshihet fenomeni i pastrimit të parave, duke e deformuar tregun dhe duke e bërë të pamundur për qytetarët e zakonshëm blerjen e një shtëpie. Mato, një profesionist me përvojë në menaxhimin e ndërtimit në Neë York, thekson paradoksin e hidhur të realitetit shqiptar: ndërsa miliona metra katrorë ndërtohen çdo vit, çmimet e apartamenteve kanë arritur nivele të papërballueshme për familjet mesatare. Fanswa Mato: Përvoja ime personale më ka dhënë mundësi të punoj në një mjedis ku standardet, transparenca dhe rezultatet konkrete janë thelbësore. Pikërisht kjo eksperiencë më motivon të kontribuoj me njohurinë dhe përvojën time për çështjet që lidhen me zhvillimin, mirëqenien dhe të ardhmen e Shqipërisë. Sot dua të flas për një nga problemet më serioze që po dëmton ekonominë shqiptare dhe po rëndon jetën e qytetarëve tanë: pastrimin e parave në sektorin e pasurive të paluajtshme dhe në ndërtim. Gjatë viteve të fundit kemi parë një bum të jashtëzakonshëm ndërtimesh, sidomos në Tiranë dhe në zonat turistike, ku kulla të reja ngrihen çdo ditë, projekte luksoze shtohen me ritme të shpejta dhe miliona metra katrorë ndërtohen çdo vit. Por pyetja që ushtrojnë shqiptarët është shumë e thjeshtë: nga vijnë të gjitha këto para? Sepse realiteti është ky: ndërsa ndërtohet gjithnjë e më shumë apartamente, qytetarët shqiptarë e kanë gjithnjë e më të vështirë të blejnë një shtëpi. Çmimet janë rritur në nivele të papërballueshme për familjet e zakonshme. Të rinjtë nuk arrijnë të sigurojnë një strehim, ndërsa shumë apartamente mbeten bosh dhe përdoren vetëm si instrumente financiare. Ky është paradoksi i Shqipërisë sot. Në njërën anë kemi një mbingopje me ndërtime, nga ana tjetër kemi mungesë strehimi për qytetarët. Kjo nuk është ekonomi normale tregu. Kjo është pasojë e deformimit të tregut nga paratë informale dhe nga mungesa e kontrollit shtetëror. Sipas të dhënave dhe analizave të institucioneve kombëtare dhe ndërkombëtare, Shqipëria ka pasur për vite me radhë probleme serioze në luftën kundër pastrimit të parave dhe organizata të rëndësishme ndërkombëtare kanë evidentuar dobësi në kontrollin financiar dhe në monitorimin e sektorit të ndërtimit. Gjatë analizës së këtij fenomeni, janë përdorur të dhëna nga institucione si Banka e Shqipërisë, INSTAT, Agjencia e Inteligjencës Financiare dhe FATF. Janë zhvilluar gjithashtu biseda me profesionistë të tregut, agjentë imobiliar, noterë dhe ekspertë financiarë. Të gjitha këto tregojnë se ekziston një shqetësim real për mënyrën se si fondet e dyshimta depërtojnë në ekonominë shqiptare. Mekanizmat janë të ndryshme. Në shumë raste përdoren kompani me burime financiare të paqarta, përdoren pagesa të mëdha kesh, transferta të dyshimta dhe forma të tjera që e bëjnë të vështirë gjurmimin e origjinës së parave. Në disa raste kemi dhe kompani që nuk justifikojnë nivelin e investimeve që realizojnë. Dhe kush e paguan koston e kësaj situate? E paguajnë qytetarët shqiptarë, e paguajnë familjet e reja, e paguajnë bizneset e ndershme, e paguan ekonomia e vendit. Sepse kur paratë e paligjshme futen në treg, konkurrenca bëhet e padrejtë. Çmimet rriten artificialisht, korrupsioni forcohet, besimi tek shteti dobësohet dhe në fund humb qytetari i zakonshëm që punon me ndershmëri. Si opozitë, ne kemi detyrimin moral dhe politik të ngremë zërin për këtë problem. Shqipëria nuk mund të ndërtojë të ardhmen mbi ekonomi informale dhe mbi mungesë transparence. Ne kemi nevojë për institucione të forta, për kontroll real financiar dhe për shtet ligjor funksional. Ne kërkojmë rritje të transparencës në transaksionet e pasurive të paluajtshme, kufizim të pagesave kesh në sektorin e ndërtimit, kontroll më të fortë mbi burimin e fondeve, monitorim më rigoroz të kompanive të ndërtimit, bashkëpunim më të madh mes institucioneve financiare dhe organeve ligjzbatuese. Ky nuk është thjesht një debat politik. Ky është një debat që prek ekonominë e vendit, të ardhmen e të rinjve dhe mundësinë që qytetarët shqiptarë të jetojnë me dinjitet në vendin e tyre.
May 15, 2026