Ka reaguar në një postim në rrjetin social “Facebook”, anëtari i Kryesisë së PD, Bardh Spahia në lidhje me ngjarjen e ndodhur pasditen e sotme në Shkodër, ku mbetën viktima 2 persona.
Spahia u shpreh se ngjarja e sotme, tregon edhe njëherë terrorin në të cilin jetojnë çdo ditë qytetarët Shkodranë nën thundrën e krimit.Ngjarja tragjike në Shkodër për fat të keq tregon edhe njëherë terrorin në të cilin jetojnë çdo ditë qytetarët Shkodranë nën thundrën e krimit.Ndërkohë që policia politike është e angazhuar në përndjekjen e persekutimin e opozitës që proteston kundër kriminalizimit të shtetit, krimi sundon i qetë.Shkodra dhe gjithë Shqipëria vuan sot shkrirjen në një të shtetit me krimin e organizuar, përndryshe ngjarje si kjo e sotmja me disa viktima do ishin parandaluar.
