Është pak e vështirë të biesh në sy në ceremoninë e ndarjes së çmimeve “Golden Globes”, kjo për shkak se yjet më të mëdhenj të ekranit ndodhen aty. Po Eva Longoria ia doli mbanë, duke treguar më shumë se ç’duhet, gjoksin. Në fakt, nuk ka qenë faji i saj, por i fustanit, që ishte shumë i gjatë e iu ngatërrua mes këmbëve. Ish-ylli i “Shtëpiake të dëshpëruara” u ndie shumë në siklet, teksa ecte në tapetin e kuq me stilistin e saj, Ken Paves. Megjithatë, ajo nuk mund të lejonte që ky incident i vogël t’i prishte mbrëmjen, ndaj nuk mungoi as në festën pas ndarjes së çmimeve.
