I ftuar në RTV Ora, ish-deputeti i PD-së Çlirim Gjata tha se Rama kërkon që të ndalojë koalicionet me ndryshimet kushtetuese.
Çlirim Gjata: Ne morëm garancitë minimaliste në 5 qershor. Tani del Rama dhe thotë se do të ndryshojë kushtetutën, do hapë listat dhe do të ndalojë koalicionet. Këto do t’i bëjë se e ka parë humbjen. Kemi një deklaratë e Gjermanisë që thotë se po nuk u miratuar marrëveshje ashtu sikurse është nuk do të hapen negociatat.
Pse po i bën kryeministri këto ndryshime? Qeveria teknike, zgjedhje të parakohshme dhe ndryshim sistemi na tha Gjiknuri nuk bëhen, nuk bëhet fjalë. Listat e hapura nuk u pranuan fare nga Gjiknuri. U firmos marrëveshja e 5 qershorit, u firmos edhe nga opozita parlamentare. A nuk ka edhe aty një pikë që thotë se nuk ka ndryshim sistemi? Por tani Rama e prishi këtë marrëveshje dhe hapi krizën. Rama e ka hallin te ndalimi i koalicioneve sepse është i humbur. Humb gjithë privilegjet. Gjithë shpura i vjen pasit nesërmen që humb zgjedhjet nuk i hapin më telefonin ata.
