Bota
Sociale
Sport
Kulturë
Koment
Kosovë

Cakrani: SPAK po vijon skenarin e montuar të 2015-ës për diskreditimin politik të Metës në aferën CEZ-DIA

 

Cakrani: SPAK po vijon skenarin e montuar të 2015-ës për diskreditimin politik të Metës në aferën CEZ-DIA

Avokati i ish-presidentin Ilir Meta, Kujtim Cakrani, në një konferencë për shtyp, u shpreh se dokumenti i publikuar nga PL në vitin 2015 tregon një skenar të montuar për implikimin e tij në aferën CEZ-DIA.

Ai nënvizoi se hetimi aktual i SPAK duket si një vijimësi e këtij plani të vjetër, i cili synonte diskreditimin dhe penalizimin politik të ish-presidentit.

Cakrani shtoi se dokumenti i vitit 2015, një shkresë e ish-kryetarit të Komisionit të Sigurisë Kombëtare, Spartak Braho, tregon se deputetët Tom Doshi dhe Dritan Prifti tentuan të përfshinin Vojsava Ismailajn, bashkëshorten e Kastriot Ismailajt, për të prodhuar akuza ndaj Metës në këmbim të lirimit të bashkëshortit të saj. Ai theksoi se këto veprime, sipas shkresës, përfshinin edhe pretendime për ndërhyrje të jashtme dhe një interes të supozuar të Ambasadës Amerikane për eliminimin politik të Metës.

Avokati kujtoi gjithashtu se Meta kishte vepruar me kallëzim penal ndaj zonjës Ismailaj në vitin 2014 për “keqpërdorim të thirrjeve telefonike”, kallëzim i cili më pas u pushua për shkak të amnistisë së vitit 2016, duke treguar se çdo përpjekje për ta implikuar ish-presidentin ishte e pabazë.

Pjesë nga deklarata:

Kjo çështje është vijimësia e asaj që ka ndodhur më 21 janar të vitit 2011, sepse janë të njëjtit personazh, apo jo, avokat? Dhe janë të njëjtët aktorë të cilët, në vijimësi, kanë dashur që presidentin, zotin Meta, ta penalizojnë, ta diskretitojnë publikisht për akuza për të cilat nuk qëndrojnë dhe për afera korruptive për të cilat nuk ekzistojnë. Kështu që sot do t’ju paraqesim se si ka nisur kjo çështje përsa i përket episodit të CEZ-DIA-s dhe përse kjo është një çështje e montuar keq nga ata që kishin interes, dhe padyshim edhe nga Prokuroria e Posaçme.

Aty nga viti 2014, shtetasja Vojsava Ismailaj i dërgonte mesazhe të vijueshme ish-kryetarit të Kuvendit, zotit Meta, ku i kërkonte takim dhe e bezdiste atë, duke justifikuar se donte të sqaronte disa probleme. Ndërkohë, bashkëshorti i saj, Kastriot Ismailaj, në atë kohë ishte nën përgjegjësi penale dhe po vuante procese gjyqësore për akuza të cilat nuk kanë lidhje me zotin Meta, por me çështjen e tij me faturat që kishte me ÇEZ-in.

Në këtë kuptim, zoti Meta, pasi kuptoi që zonja Ismailaj ishte penguar figurativisht nga persona që po e shantazhonin dhe intimidonin psikologjikisht, dhe duke u ndjerë e bezdisur nga mesazhet provokuese, i drejtohet me kallëzim penal, duke e paraqitur atë përpara prokurorit të përgjithshëm të kohës, zotit Adriatik Llalla. Më pas, kjo çështje është pushuar për shkak të amnistisë së vitit 2016.

Kallëzimi penal i zotit Meta konsistonte tek keqpërdorimi i thirrjeve telefonike, të cilat zonja Ismailaj i përdorte në mënyrë të vazhdueshme. Pra, regjistrohet kallëzimi penal midis viteve 2000 dhe 2016. Pas hetimeve, dhe pasi zoti Meta u pyet në cilësinë e kryetarit të Kuvendit, ky kallëzim penal u pushua për shkak të amnistisë së kohës. Dokumenti mban numrin një dhe datën e pushimit 18.1.2017.

Më pas, dokumenti tjetër, shumë i rëndësishëm dhe komprometues, tregon ndërhyrjen e kryetarit të Komisionit të Ligjeve në Kuvendin e Shqipërisë, zotit Spartak Braho. Ky dokument, me numrin e protokollit 30 20, datë 27.9.2015, është drejtuar zotit Saimir Tahiri, ministër i Punëve të Brendshme i kohës, për dijeni zotit Bujar Nishani, president i Republikës, dhe për dijeni kryetarit të Kuvendit të Republikës së Shqipërisë, zotit Meta, si dhe ambasadës së Shteteve të Bashkuara të Amerikës.

Në përmbajtjen e tij thuhet: Në cilësinë e kryetarit të Komisionit të Sigurisë Kombëtare, dua t’ju informoj se burime të sigurta më konfirmojnë ekzistencën e të dhënave për përpjekje serioze për realizimin e një skenari okupi që synon shkaktimin e kaosit dhe destabilitetit politik në vend, dhe që ka për autor kryesor deputetët Tom Doshi dhe ish-deputetin Dritan Prifti, gjithashtu nën hetim.

Tom Doshi dhe Dritan Prifti janë të njohur të vjetër të Kastriot Ismailajt, i cili ndodhet i arrestuar për akuzën e pastrimit të parave, por njëkohësisht edhe personazh kryesor për çështjen CEZ-DIA. Ata kanë kontaktuar dhe vazhdojnë të jenë në komunikim të vazhdueshëm me familjarët e sipërpërmendur, veçanërisht me bashkëshorten e tij, Vojsava Ismailaj, për ta përfshirë atë në një skemë mashtrimi, shantazhi dhe premtimi për të liruar bashkëshortin e saj nga akuza, në këmbim të deklaratave ose intervistave që synonin implikimin e kryetarit të Kuvendit në skandalin CEZ-DIA dhe vazhdimin e skenarit destabilizues.

Burimet konfirmojnë se takimi i fundit mes Tom Doshit, Dritan Priftit dhe Vojsava Ismailaj u zhvillua në Hotel Sheraton, ditën e mërkurë, më 23 shtator 2015, duke filluar nga ora 14:31. Të njëjtat burime konfirmojnë se Tom Doshi dhe Dritan Prifti i thanë Vojsava Ismailaj se bashkëshorti i saj mbahej i arrestuar me porosi të kryetarit të Kuvendit.

Sipas burimeve, Tom Doshi dhe Dritan Prifti i dhanë garanci Vojsava Ismailaj në emër të kryeministrit Edi Rama dhe kryetarit të opozitës Lulzim Basha për lirimin e bashkëshortit në këmbim të deklaratave ose intervistave që do të implikonin kryetarin e Kuvendit, madje duke përmendur edhe ambasadën e Shteteve të Bashkuara të Amerikës si të interesuar për eleminimin politik të Ilir Metës.

Burimet informojnë gjithashtu se pasi dështuan të ndikojnë përmes avokatit Vladimir Meçi, i cili mbron çështjet e Tom Doshit dhe Kastriot Ismailajt, këto ditë Tom Doshi ka kërkuar që Vojsava Ismailaj të takohet jashtë qytetit të Tiranës për të përfunduar marrëveshjen, duke premtuar edhe largimin e saj dhe të familjes jashtë Shqipërisë.

Duke patur parasysh precedentin e skenarit të dështuar kriminal që po gjykohet nga organet kompetente, i cili synonte të përfshinte dhe të akuzonte kryetarin e Kuvendit si porositës të ekzekutimit të dy deputetëve Tom Doshi dhe Mëhill Fufi, me protagonist të pandehurin Durim Bami dhe deklarimin e dhënë nga ky i fundit nën kërcënimin me armë, dhe rrezikshmërinë e lartë shoqërore që paraqet Tom Doshi, në cilësinë time si kryetar i Komisionit të Sigurisë Kombëtare në Kuvend, …

Share it :

Lajmet e fundit
CEZ-DIA dhe akuzat ndaj Metës/ Avokati Zhllima: Së shpejti VIDEO-ja me politikanin që merr para! Gjyqtarja Irena Gjoka, e cila po shqyrton çështjen ndaj ish-presidentit Ilir Meta, gjendet në qendër të akuzave për një konflikt të rëndë interesi. Nga dokumentet e paraqitura nga avokatët e ish presidentit në konferencën për media, mbrojtësi i Metës, Gylsen Zhllima, tha se gjyqtarja Gjoka rezulton të ketë qenë kryesuese në një gjykim të vitit 2016, ku është vendosur për konfiskimin e pasurive të shtetasit Kastriot Ismailaj, një fakt që, sipas akuzës, e bën të papërshtatshme për gjykimin aktual dhe kërkonte përjashtimin e saj nga çështja. Sipas avokatit, është e pamundur që një gjykatës të mos kërkojë përjashtimin kur brenda akteve të një çështjeje gjendet një lidhje e mëparshme. Përtej këtij rasti, avokati Zhllima pretendoi se caktimi i gjyqtares Gjoka në çështje të profilit të lartë politik, ndjek një model të caktuar, situatë e cila përshkruhet si pjesë e një “plani afatgjatë” për eliminimin politik të zotit Meta, duke përdorur atë që quhet “drejtësi perceptuese” dhe jo fakte penale. Avokati parlajmëroi se së shpejti do të publikohet një material ku do të tregohet me emër dhe mbiemër një politikan duke marrë para në dorë, në kuadër të marrëveshjes së shumëpërfolur CEZ-DIA, duke theksuar se Ilir Meta nuk ka asnjë lidhje me këtë aferë. Vendimi gjyqësor i Gjykatës së shkallës së parë të krimeve të rënda, që është kryesuese zonja Irena Gjoka, e cila ka konfiskuar pasuritë e zotit Kastriot Ismailaj. E kuptoni qartë se është e pamundur që në një proces gjyqësor dhe penal, gjykatësi mos të shikojë dhe mos të kërkojë vetë përjashtimin kur brenda akteve ndodhet emri i vetë dhe aty duhet të paktën të kërkojë që të heqi dorë për shkak se ka gjykuar në të shkuarën dhe në vitin 2016 pasurinë e personit të cilët janë i kanë konfiskuar pasurinë. Pra, e thënë me pak fjalë, për ata që besojnë tek drejtësia e pavarur e paanshme te GJKKO-ja, e cila është e pastruar nga vetingu me thonjëza, tregohet qartë që zonja Irena Gjoka është pothuajse te rasti i zotit Berisha, zotit Mediu, tek rasti i zotit Meta dhe ku ka opozitarë, zonja Gjoka është relatore dhe vendos gjithmonë në disfavor të opozitarëve. Por ajo që duhet të duket e çuditshme është kjo, e lidhur nga 2011-ta në vazhdim, që eliminimi politik i zotit Meta nuk është thjesht një plan afatshkurtër, është një plan afatgjatë dhe kuptohet që donin ta implikonin me shumë fakte penale, pra të asaj që ne themi perceptimi, pra drejtësia perceptuese njerëzore është më e rrezikshme se ajo faktike penale, por ne po paraqesim tek ju se si ata në perceptimin publik të videos së famshme të 2011-ës, në rast se do të kishte i ndjeri Dritan Prifti një fakt penal kundër zotit Meta, nuk do të bënte videon ku dyshohet që ka edhe një video për zotin Dritan Prifti, por ai do të sillte si fakt penal konkret rastin ÇEZ-DIA. Por ne do na lejoni, sepse edhe minutat janë të shkurtra, ne do na lejoni që në konferencën e radhës do ju nxjerrim një material ku duket qartë me emër dhe mbiemër politikani, i cili do të marri para në dorë nga kjo marrëveshje e famshme që është ÇEZ-DIA, që nuk ka lidhje fare i mbrojturi prej nesh zoti Ilir Meta. Pra, qartazi kërkoj regjinë, se kjo është fotografia më e mirë dhe më e bukur, pavarësisht se thamë shumë fakte të rëndësishme, se si ka mundësi që e njëjta gjykatëse të jetë edhe gjykatëse e seancës paraprake ndaj zotit Meta. Pra, i dhanë seancën paraprake, i dhanë mundësinë që të shikojë dhe të gjykojë dhe të hetojë, i nderuar koleg, në mënyrë të paanshme, të pavarur zonja Irena Gjoka, aktet kundër zotit Meta dhe ajo nuk tha të paktën një fjalë për sa i përket vendimit të 2016-ës, ku ajo vetë është e përfshirë për shkak se ka bërë konfiskimin e pasurive të Kastriot Ismailajt. Prandaj unë qëndroj në mënyrë të përmbledhur të gjithë ato që tha kolegu, por mos harroni një fakt shumë të rëndësishëm, që personi i cili ishte në kushtet e burgimit, zoti Kastriot Ismailaj, në 21.04.2022, tha qartë dhe duke qenë dhe pothuajse i kanosur nga shumë shumë faktorë të tjerë, deklaroi që midis zotit Elvis Mataj, zotit Romeo Kara dhe tij, ka pasur një marrëveshje, një marrëdhënie e cila ishte edhe monetare përveç të tjerash.
March 27, 2026