Burimi: 3 sulmet frontale që po rrethojnë Ramën
Qeveria shqiptare po përballet me atë që është cilësuar si një “sulm i trefishtë frontal”, i cili kombinon presionin politik ndërkombëtar, ndikimin e krimit të organizuar dhe një krizë ekonomike të afërt, që kërcënon të godasë drejtpërdrejt qytetarët.
I këtij mendimi është analisti, Genc Burimi, i cili i ftuar në emisionin ‘Task Force’ në Syri Tv, tha se ‘sulmi’ i parë vjen nga fronti i demokracisë, përmes raporteve ndërkombëtare që tregojnë se Shqipëria është ende larg përmbushjes së kritereve themelore për integrimin në BE, duke ngecur te kapitujt themelorë.
Fronti i dytë është ai i lidhjes së ekonomisë me krimin e organizuar, ku Burimi theksoi se mafia dhe pastrimi i parave, veçanërisht në sektorin e ndërtimit, mbeten një sfidë madhore.
Megjithatë, kërcënimi më i madh dhe “bumerangu” i mundshëm për kryeministrin Rama është sulmi i tretë: kriza ekonomike. Rritja galopante e çmimit të naftës nuk është një problem i izoluar, pasi sipas Burimit, ajo pritet të shkaktojë një “efekt zinxhir”, duke rritur në mënyrë dramatike koston e produkteve ushqimore dhe transportit.
Shqipëria është shumë larg së mbylluri kapitullin e themeloreve, pra që janë ato kriteret e KopenhagenitQë po s’u mbyllën ato, asnjë tjetër kapitull nuk mbyllet. Mund të kishim hapur të gjitha, 36-at, por asnjë s’mbyllet, po nuk u mbyll kapitulli i themeloreve ku përfshihen zgjedhjet, demokracia e të gjitha. Pra, mjafton që Brukseli e ka tashmë këtë gjë. Kjo që bëri Suedia është gjë e mirë sigurisht. Mos them se Suedia dhe Gjermania janë vende po ashtu që kanë inkurajuar shumë dhe kanë mbështetur shumë, dhe Vuçiç ka akuzuar Suedinë dhe Gjermaninë që po financojnë pra të rinjtë ëh, që po ngrihen në Serbi. Janë tre sulme frontale që po i rrethojnë Ramën si një minë e çarë.
Dhe unë do të dalloj të tretin. Të sigurisht të parën që është sulmi që ka në lidhje me këto, me pikërisht me ëh zbrazjen e demokracisë në Shqipëri, që duket edhe në çështjen ëh Balluku, që nuk u miratua në parlament dhe kjo po ashtu ndikon në faktin që Shqipëria shpallet si autokraci. Ke frontin e dytë që është fronti pikërisht i mafias. Fronti ku hyn mafia, pastrimi i parave, ëh në Shqipëri në këtë moment. Kurrë më parë taksa mbi ndikimin i infrastrukturës nuk është rritur kaq shumë. Bëhet fjalë për 350% rritje.
Nga akademia e taksave që tregon dhe njëherë se sa para hedh ndërtimi që është i vetmi sektor, siç kemi prishur, që është rritje ekonomike sepse është pastrim parash. Dhe sulmi i tretë që do të bëhet gjithnjë e më i fuqishëm për Ramën dhe ka preferencën time, është sulmi në sektorin ekonomik. Sepse kjo ndikon drejtpërdrejt te qytetarët. Midis të drejtës së votës dhe të drejtës së mbushjes së barkut, njerëzit nuk e zgjedhin gjatë. Dhe deri tani Rama këtu mbahesh, se thoshe, për politikën s’ia bën shumë borxh shqiptarëve, unë fitoj prapë. Për mafian dhe për pastrim parave, në fund të fundit, në një farë mënyre kjo i përfiton edhe vetë popullatës.
Te kjo e treta, që Rama s’e kishte parashikuar dhe kjo mund t’i kthehet në bumerang. Këtu duhet ta kapi opozita keq Ramën dhe këtu duhet të jetë një punë shumë e afërt me publikun dhe me propozime. Sepse kjo që po drejton deri tani, është një krizë e jashtëzakonshme. Serbia bllokoi 40 mijë tonë nga rezerva e saj. Rezerva e Serbisë është 300 mijë tonë rezervë. Ndërkohë që gjithë Shqipëria në vit po importon 750 mijë tonë. Por sigurisht që është nafta, po nuk është thjesht çmimi i naftës. Ndoshta ju u vuanit që shkoi, shkoi sot 2.19, por do jenë mbrapa, do jenë çmimet e të gjitha lëndëve, e produkteve ushqimore që varen nga nafta. Nga transporti. Do të jetë një inflacion i jashtëzakonshëm.
Nafta do të jetë një epifenomen përballë asaj që shqiptarët mund, rrezikojnë ta marrin si bumerang, si një ortek. Ortek financiar në jetën e tyre, sepse Shqipëria importon gjithçka. Gjithçka. Dhe këtu do të shikoni juve që shqiptari do të jetë shumë më i interesuar për një lloj ndryshimi. Dhe këtu prek te portofoli i njerëzve. Partia Demokratike sot shumë, shumë më e zhvilluar. Ajo Partia Demokratike mund të thotë që me mua në pushtet nesër, unë them që, unë Partia Demokratike them që në qoftë se çmimi i karburanteve rritet kaq përqind, se mund të ketë nesër luftëra unë e heq, e pezulloj taksën mbi qarkullimin. Duhen bërë propozime konkrete.”– tha Burimi.
