Deputeti i PS Erion Braçe, i ftuar sot në ‘Breaking” në Top News, foli për zhvillimet e fundit politike në vend, si rikthimi i jetës normale parlamentare, koncesionet dhe arrestimet brenda Partisë Socialiste.
Braçe sqaroi ndër të tjera arsyet se përse abstenoi për ngritjen e Komisioneve Hetimore të kërkuara nga opozita, kjo sipas tij, pasi ndër të tjera, nga katër komisione të kërkuara në fillim, u bënë dy.
Deputeti i PS tha se përse opozita nuk kërkon më hetim për dy nga koncesionet e shëndetësisë, ai për dializën dhe check up-in, që sipas tij një prej tyre ka pasur shumë probleme në zbatim dhe se kanë vdekur njerëz.
“Ato janë katër, pse u hoqën dy?! Për shkak të gjendjes së konfliktit të interesit? Marrëdhënies konstante me përfituesit e atyre kontratave koncesionare? Të paktën një prej atyre koncesione ka pasur probleme të rënda në zbatim, kanë vdekur njerëz… Si ka mundësi që këta partizanë të luftës nuk shkojnë të hetojnë zbatimin e asaj kontrate“, tha ai.
https://www.standard-al-207047.hostingersite.com/2024/03/21/komisioni-hetimor-kush-e-fali-hetimin-parlamentar-per-koncensionet-e-dializes-dhe-laboratoreve-te-lidhura-me-spitalin-amerikan/
