Valdrin Pjetri dhe Agim Kajmaku nuk janë të vetmit kryebashkiakë të Rilindjes, të cilët rezultojnë të inkriminuar.
Javën në vijim një tjetër emër kryebashkiaku, i dalë nga votimet e 30 qershorit, do të publikohet nga Opozita, si person me rekorde kriminale.
Raportohet se do të publikohen dokumente nga Partia Demokratike për Mark Babanin, kryebashkiakun e Vaut të Dejës.
Mark Babani është i dënuar dhe nesër do të jetë sërish Sekretari i Përgjithshëm i PD, Gazmend Bardhi, ai që do të bëjë publike dokumentet për këtë rast.
Lajmi konfirmohet edhe nga gazetari në Shkodër Ergys Kavaja, i cili shkruan në Facebook-un e tij: “Ju pastë NANA PARTI , edhe një tjetër “bashki” bie nesër… hajde gëzuar”.
Më herët, falë publikimit të dokumenteve nga Partia Demokratike u zbuluan ‘CV-të kriminale’ të kryebashkiashkëve të Shkodrës, Valdrin Pjetri dhe atij të Vorës Agim Kajmaku (Jorgo Toto).
A do të jetë Mark Babani, kryebashkiaku i fundit që bie në rrjetën e dekriminalizimit? Kjo mbetet për tu parë..
