Agjencia Kombëtare e Provimeve publikoi dje strukturën e testeve për gjuhët e huaja. Anglishtja pritet të jetë gjuha kryesore e cila do të jepet nga më shumë se 70% e maturantëve. Për t’u ardhur ndihmë të rinjve, AKP ka nxjerrë strukturën e testit dhe çfarë pyetjesh do të bien në provim. Këtë vit gjuha e huaj do të jetë provim i detyruar në maturë, por pa ndikuar në pikët përfundimtare, me të cilat kandidatët do të konkurrojnë në universitet. Ministria e Arsimit u ka dhënë mundësi maturantëve që të zgjedhin mes Anglishtes, Gjermanishtes, Frëngjishtes dhe Italishtes, për të dhënë si provim i detyruar gjatë maturës 2014.
