Trump kërcënon Ramën: Provojeni të votoni kundër Jeruzalemit, ju ndërpresim miliarda fonde!

Presidenti amerikan Donald Trump kërcënoi se do t’i ndërpresë ndihmën financiare vendeve që do të mbështesin një rezolutë të OKB-së që kundërshton njohjen e Jeruzalemit si kryeqyteti i Izraelit. Në fillim të këtij muaji, SHBA e ndërmori këtë hap pavarësisht kritikave ndërkombëtare.

“Ata marrin miliona dhe miliarda dollarë dhe pastaj votojnë kundër nesh. Por le ta bëjnë, ne do të kursejmë shumë para. As që duam t’ia dimë”, deklaroi Trump për reporterët në Shtëpinë e Bardhë.

Një ndër vendet që merr financime nga SHBA-të është dhe Shqipëria, që është shprehur se nuk do ta njohë Jeruzalemin si kryeqytet të Izraelit.

Kështu që nëse Shqipëria do të votojë në OKB pro kësaj rezolute dhe nëse Trump do ta zbatojë zotimin e tij, atëhere shumë fonde të SHBA-ve drejt Shqipërisë do të ndëriten, përfshi edhe ato në favor të reformës në drejtësi dhe shumë fonde të tjera sociale që jepen nga USAID.

Komentet e tij bëhen përpara votimit në asamblenë e përgjithshme të OKB-së për një rezolutë që kundërshton çdo njohje të Jeruzalemit si kryeqytetin izraelit. Draftrezoluta nuk përmend SHBA, por thotë se çdo vendim për Izraelin duhet anuluar. Më herët, ambasadorja e SHBA në OKB, Nikki Haley paralajmëroi vendet anëtare se presidenti Trump i kishte kërkuar të raportonte për votat kundër SHBA në votimit që do të mbahet të enjten.