Konflikti GJKKO-Avokati/ Meta: Pasoja të rënda për procesin gjyqësor, vijim i telenovelës ‘Drejtësi me Regji

Presidenti i PL, Ilir Meta ka reaguar sërish pas vijimit të konfliktit, që siç e konsideron ai është i qëllimshëm mes GJKKO dhe Dhomës Kombëtare të Avokatisë.

Përmes një statusi në rrjetet sociale, Meta shkruaj se bojkoti i proceseve gjyqësore vijon të ketë pasoja shumë të rënda të cilat cenojnë, jo vetëm interesat e shtetit, por edhe vetë proceset e rregullta ligjore.

Sipas Metës, gjithashtu heshtja e Këshillit të Lartë Gjyqësor cenon rëndë besimin te institucionet, që kanë detyrë kushtetuese për administrimin e proceseve gjyqësore.

Natyrisht, ky konflikt me regji, është vijim i telenovelës “Drejtësi me Regji”, e cila ka asgjësuar prej kohësh shtetin e së drejtës me qëllim instalimin e Narkodiktaturës të vetme në Europë’, përmbyll reagimin presidenti i PL.

Statusi:

Vazhdimi i konfliktit të qëllimshëm GJKKO e Shkallës së Parë me Dhomën Kombëtare të Avokatisë vazhdon të sjellë pasoja shumë të rënda me zvarritjen e proceseve gjyqësore, të cilat cënojnë, jo vetëm interesat e shtetit, por edhe vetë proceset e rregullta ligjore, si edhe cenojnë rëndë mbrojtjen efektive të qytetarëve të përfshirë në këto procese.

Akoma më e rëndë bëhet kjo situatë kur Kuvendi jo vetëm që ka dy muaj që hesht dhe bën sikur nuk shikon, por edhe të vetmen nismë ligjore të ndërmarrë nga Kryetari i Grupit Parlamentar të Partisë së Lirisë, Z. Tedi Blushi, në datë 14 tetor 2026, e refuzoi më datë 22 tetor 2026 ta përfshijë në kalendarin e punimeve.

Po kështu, heshtja e Këshillit të Lartë Gjyqësor, prej dy muajsh, cënon rëndë besimin te institucionet, që kanë detyrë kushtetuese për administrimin e proceseve gjyqësore.

Heshtja dhe mosreagimi i çdo aktori institucional që ka përgjegjësitë e tij kushtetuese dhe ligjore, dëshmon qartë se kemi të bëjmë me një konflikt me regji politike në interes vetëm të Edi Ramës dhe organizatës që ai drejton.