Ergys Agasi kërkesë në GJKKO për kthimin e sendeve të sekuestruara, kërkon kamerën që iu mor në zyrë

Ergys Agasi kërkesë në GJKKO për kthimin e sendeve të sekuestruara, kërkon kamerën që iu mor në zyrë

Ergys Agasi i është drejtuar Gjykatës së Posaçme kundër Korrupsionit dhe Krimit të Organizuar (GJKKO), duke kërkuar kthimin e sendeve të sekuestruara gjatë kontrolleve të kryera në zyrën e tij.

Lajmi konfirmohet për BalkanWeb nga gazetarja Klodiana Lala.

Mësohet se kërkesa është depozituar më 14 tetor, ndërsa Agasi kërkon konkretisht kthimin e një kamere të sekuestruar në ambientet e zyrës.

Pritet që GJKKO të shqyrtojë kërkesën dhe të vendosë nëse kamera do t’i kthehet apo do të vijojë të mbahet e sekuestruar.

Gjyqtarja që do të shqyrtojë çështjen është Flojera Davidhi.