E paprecedentë në Bulevard! Efektivët e “Shqiponjave” gjuajnë me gurë drejt qytetarëve në bulevard

Një ngjarje e paprecedentë është regjistruar nga terreni gjatë raportimeve në zonën pranë ish-Hotel Dajtit, ku përplasja mes forcave të rendit dhe protestuesve ka marrë një rrjedhë tejet të pazakontë.

Sipas dëshmive dhe pamjeve nga vendngjarja, efektivë të repartit special “Shqiponja” janë parë të qëllojnë me gurë drejt turmës së qytetarëve dhe protestuesve të pozicionuar përballë tyre.

Kjo sjellje e forcave të policisë, të cilat në vend të mjeteve standarde të kontrollit të turmave kanë përdorur gurë ndaj qytetarëve, përbën një shkelje të rëndë të protokolleve të ndërhyrjes dhe ka rritur edhe më tej irritimin e turmës në bulevard.