Shtëllunga gazi te Rruga e Elbasanit! Policia bllokon kryqëzimin te Xhamia e Namazgjasë
Përplasjet dhe ndërhyrja e forcave të rendit janë përhapur përgjatë Rrugës së Elbasanit, pranë Xhamisë së Namazgjasë, ku situata po precipiton me shpejtësi.
Efektivët e policisë kanë vendosur një bllokadë të fortë në kryqëzim për të pamundësuar lëvizjen dhe depërtimin e turmës drejt godinës së Parlamentit. Nën këtë perimetër sigurie, forcat e rendit kanë lëshuar sasi të mëdha gazi lotsjellës, duke e hedhur atë drejtpërdrejt në mes të turmës së protestuesve që po qëndronin në mënyrë paqësore.
Përdorimi masiv i gazit në këtë aks ka krijuar kaos dhe panik te qytetarët e pranishëm, ndërsa lëvizja drejt zonës së Parlamentit mbetet tërësisht e bllokuar nga kordoni policor për momentin.
