Berisha: Kanionin e Gjipesë e mori Rama. Në kadastrën e Vlorës janë ndërruar 15 drejtorë
Në fjalën e mbajtur me drejtuesit e degëve të PD në Tiranë, kryedemokrati Sali Berisha akuzoi Edi Ramën se ka rrëmbyer kanionin e Gjipesë, ndërsa u shpreh se, në kadastrën e Vlorës janë ndërruar 15 drejtorë, sepse nuk pranonin të firmosnin për pronat.
Berisha ngriti akuza për ndërhyrje në të dhënat elektronike të qytetarëve, duke pretenduar se janë përdorur metoda të paligjshme për të ndryshuar dokumentacionin dhe për të realizuar transfertat e pronave.
Sipas tij, ky operacion është koordinuar nga AKSHI, ndërsa i cilësoi këto zhvillime si një nga aferat më të mëdha të pronave në vend.
Pjesë nga fjala e kreut të PD, Sali Berisha:
Operacionet e kadastrës janë operacionet që tejkalojnë miliarda tjetërsimesh. Në një zinxhir, vetëm mafia më e sofistikuar mund të kujtohej që ta ndërtonte në atë mënyrë.
Prona i është transferuar X-it këtu. X-it i është thënë, do t’ia çosh tjetërkujt, atij atje, një personi tjetër. Ai tjetri do t’ia transferonte një të tretë, të katërt, të pestë me radhë, gjersa të zhdukej çdo gjurmë për pronën dhe fundor do të ishte një mafioz qeveritar, një baron droge, një ministër, vëllai i një ministri.
Ata janë bërë pronarë në tokat më të çmuara, vetë Edi Rama me Kanionin e Gjipesë. Kujtojeni pak, kur janë ngritur çështje e kanionit. Aty tha, se është atje në majë të malit, atje lart se ç’është një pronë e kështu maja e malit.
Ai është, kanioni është buzë detit, dhe më ka hedhur dhe në gjyq. Kanioni është buzë detit. Dhe kanioni i Gjipesë rreshtohet në 10 apo 20 kanionet më të bukura të botës.
E pa peshkaqeni. Asnjë lidhje. Ai Koleka i tij që shkon e merr 30 dhe 31 gomarë kishte si prona. Po me dokumente. Ju them unë ju që ta dini, ishte një Kolekë tjetër ai, po ai s’e kishte pronë. Jo. Koleka i pasur, nuk është Koleka i tij. Ka qenë Kolekë tjetër ai.
Dhe Kanioni i Gjipesë, që na thoshte atje sipër malit, malit sipër, atje ku është atje një copë tokë atje kush u mor, është marrë Olsi, s’jam marrë unë, s’është e imja, se Olsin s’e ka vëlla.
Merr kanionin, dhe janë ndërruar 18, 12 apo 15 drejtora e hipotekën në Vlorë, vetëm për të bërë çfarë kanë dashur me tokat e bregut.
Kadastra, si i kanë ndryshuar? Ua them unë ju. Kanë deshifruar pas-kodet e qytetarëve, të e-maileve të qytetarëve.
Dhe pastaj kanë ndërhyrë me emela, kanë bërë ç’kanë dashur, duke mashtruar, falsifikuar, autorizuar, e tjerë. I tërë ky operacion është drejtuar nga AKSHI.
