Djali i Khameneit zgjidhet Udhëheqësi i ri i Iranit
Mojtaba Hosseini Khamenei, një politikan, klerik iranian dhe djali më i madh i Ajatollah Ali Khameneit, u zgjodh Udhëheqësi i ardhshëm Suprem i Iranit. Lajmi u dha nga mediat vendase.
Mojtaba ka ndërtuar ndikimin dhe lidhjet e tij me Gardën Revolucionare dhe organizatën shumë të fortë paraushtarake Basij për vite me radhë. Djali i dytë, 66-vjeçar i Khameneit nuk e kishte mbajtur të fshehtë dëshirën e tij për të pasuar të atin si udhëheqës suprem.
Mojtaba, një klerik shiit, nuk është i panjohur në vend. Ai pati ndikim të madh tek i ati dhe ishte figura kyçe që ndihmoi presidentin e mëparshëm, Mahmoud Ahmadinejad (i cili më vonë e akuzoi atë për përvetësim nga thesari i shtetit) të zgjidhej në vitin 2005 dhe 2009. Ai u akuzua madje nga kandidatët reformistë se drejtoi një grup konspiratorësh që kryen mashtrime zgjedhore.
Përzgjedhja e pasardhësit të Ajatollah Ali Khameneit është përcaktuar shprehimisht në Kushtetutën iraniane. Ajo është një detyrë e Asamblesë së Ekspertëve, i njëjti organ që e zgjodhi Khamenein udhëheqës në vitin 1989.
Asambleja e Ekspertëve të Udhëheqjes është një organ prej 88 klerikësh, të cilët (zyrtarisht) zgjidhen nga populli çdo 8 vjet. Megjithatë, në praktikë, vetëm klerikët që konsiderohen absolutisht besnikë ndaj Republikës Islamike janë të kualifikuar për të kandiduar.
Shumica e anëtarëve aktualë të Asamblesë karakterizohen nga qëndrime të ashpra, që korrespondojnë me ato të Khameneit. Kushtetuta përcakton që këta klerikë duhet të zgjedhin një Udhëheqës të ri Suprem sa më shpejt të jetë e mundur
