Çuçi thoshte se do miratonin çdo kërkesë të SPAK – Telefonata që e bëri të ndryshonte qëndrim

Çuçi thoshte se do miratonin çdo kërkesë të SPAK – Telefonata që e bëri të ndryshonte qëndrim

Drejtuesi i Departamentit të mjedisit në Partinë Demokratike Jamarbër Malltezi ka reaguar me një shënim në faqen e tij në facebook pas mbledhjes së djeshme të komisionit të mandateve dhe imunitetit dhe ku PS nuk pranoi që ti hiqte mbrojtjen Belinda Ballukut e cila është marrë e pandehur nga SPAK.

Ai ka postuar, shoqëruar me një mesazh të shkurtër, edhe një video të drejtuesit të lartë në PS Blendi Çuçi kur deklaronte se PS do të miratonte çdo kërkesë të SPAK pa patur nevojë fare për materiale. Malltezi thotë se pasi Çuçi deklaroi abstenimin, dikush e mori ne telefon dhe votoi kundër.

Bledi Çuçi që para 3 vitesh deklaroi se ne (PS) miratojmë çdo kërkesë të SPAK e nuk ka nevojë për të parë fare materiale, dje në këshillin e mandateve dhe imuniteteve deklaroi fillimisht votën e tij “abstenim” ndaj kërkesës së SPAK, por e morën në tel dhe pastaj e ndryshoi në “kundër”.