Ilir Meta: Ndërprerja e energjisë në QSUT, vendosje kriminale në rrezik e jetës së qytetarëve
Presidenti i Partisë së Lirisë, Ilir Meta, ka reaguar përmes një postimi në rrjetet sociale lidhur me ndërprerjen e energjisë elektrike në Qendrën Spitalore Universitare “Nënë Tereza” (QSUT) mbrëmjen e së hënës.
Në reagimin e tij, Meta e cilëson ngjarjen si “suksesin më të madh” të shëndetësisë falas, të koncesioneve korruptive dhe të qindra milionë eurove të investuara në sektorin energjitik, duke e përdorur këtë shprehje në mënyrë ironike.
Ai shprehet se situata është e papranueshme dhe e rrezikshme, duke theksuar se “vjedhja skizofrenike”, sipas tij, po vendos në rrezik jetën e qytetarëve edhe në institucionet shëndetësore.
Vendosja në rrezik e jetës së qytetarëve edhe në spitale është kriminale,” shkruan Meta në reagimin e tij.
Ndërprerja e energjisë në QSUT ka ngjallur reagime dhe shqetësime të shumta, duke rikthyer vëmendjen te siguria e furnizimit me energji elektrike në institucionet kritike shëndetësore.
Postimi i Metës:
