Bota
Sociale
Sport
Kulturë
Koment
Kosovë

Kur ke FBI dhe DEA te dera, nuk mjafton baba Xhorxhi as vëlla Aleksi

Halle halle kjo dynja, halli hallit nuk i ngja, hall për vete e hall për vëlla. Kjo kujtesë popullore u shkon djemve “Rama” në pushtet.

DEA dhe FBI agjencitë amerikane të inteligjencës dhe antidrogës, në agjendën e tyre në Tiranë, kanë mes mjaft punëve investiguese edhe familjen qeveritare Rama, ky spikasin Edi dhe Olsi. Mediet amerikane dhe evropiane i dhanë kohe live opozitës dje në protestë, si rrallë herë ndonjë ngjarje në Shqipëri.

Pazaret, bizneset, gjobëvëniet, hetimet me porosi, lobingjet e të korruptuarit nga “Rama” të dënuarit faj-pranuar, drejtorit kundërzbulues të inteligjencës amerikane, Charles McGonigal janë objekt pune agjentëve të FBI. Struktura e Posaçme ka regjistruar procedimin penal në janar 2022 dhe opozita ka shtuar kallëzimin e saj ku janë shtuar emra. Janë paditur në historinë “Charles-Rama” KM Rama, kryebashkiaku Erion Veliaj, Taulant Balla, Damian Gjiknuri.

Bizneset e naftës, ndërtimit, konsulencës, lidhjet me sipërmarrës rusë e kinezë, janë pesha e rëndë e dosjes shqiptaro-amerikane ku bashkohen edhe agjentët e tjerë të FBI Bladel e Rosini. Histori në rajon të shumta të agjentit ndihmues i oligarkut rus të sanksionuar Oleg Deripaska, drejtorit krijues i dosjes fake të hetimit të Donald Trump për pretendimet e lidhjeve me Kremlinin. Po për Ramën telashet nuk kanë të sosur. Historia e trafikut të kokainës së bandave shqiptare ka nisur në mandatin e parë dhe sot fuqitë e Mafias janë paralizuese. Rekordi u shënua me laboratorin e parë të kokainës në Xibrakë dhe përfshirja në dosje e emrit të Olsi Ramës nervozoi gjermanët sepse u dështua hetimi.

DEA pjesë e aksionit investigues në 2014 ku priste dorëzim të kontrolluar, për të mbërritur ne destinacion, kur shkrepi kjo dosje, ndiqte një nga organizatat më agresive në trafikun e kokainës e cila çuditërisht u mbajt larg hetimit nga Tirana. Por një kërkesë në Strukturën e Posaçme, e kreut të grupit parlamentar të PD, Gazment Bardhi, për dosjen e pezulluar në atë kohë nga Prokurori sot Prokurori Përgjithshëm Olsian Çela rikthyen hetimet për 45 vjeçarin e paidentifikuar në 2014-tën, për të cilin dyshohet të jetë Olsi Rama.

DEA ka hapur javën e fundit zyrën e saj në Tiranë. Hanoveri i dekonspiruar dje, ka rikthyer tani bashkëpunimin juridik, me autoritetet shqiptare për Xibrakën. Pa hyrë në pafundësi dosjesh të tjera ku dalin emrat Rama, mjaftojnë dy të mësipërmet për vëllezërit Edi dhe Olsi, të kenë te dera FBI-në dhe DEA..Dhe gjasat flasin se për shumë sekëlldi tronditëse ligjore e financiare, ku është shkelur vija e kuqe nuk mjafton as baba Xhorxhi as vëlla Aleksi..

Share it :

Lajmet e fundit
Koncesioni i check-up/ Milva Ekonomi i dha mln € Vilma Nushit, paratë u investuan te kulla e Pak ditë më parë, emisioni “Plug” në Syri TV bëri një përmbledhje me fakte dhe dokumente konkrete të abuzimeve që janë bërë nga shteti shqiptar me koncesionet e shëndetësisë, një prej tyre edhe koncesioni i check-up, një skemë e madhe abuzimi me taksat e qytetarëve shqiptarë. Për këtë koncesion u hap një garë ku morën pjesë disa kompani me eksperiencë në fushën e kryerjes së analizave mjekësore, por fituese u shpall 3P Life Logistic e Vilma Nushit. Do të hyjmë në detaje dhe do të kuptojmë se jemi përpara një gare fiktive me fitues të paracaktuar. Së pari, kjo kompani u themelua më 9 dhjetor 2014, ndërsa kontrata koncesionare u firmos dy ditë pa u mbushur muaji, më 7 janar 2015. Ndërkohë, gara për koncesionin e check-up u shpall që në shkurt 2014. Thënë ndryshe, 11 muaj përpara se të lidhej kontrata me kompaninë që Vilma Nushi themeloi një muaj përpara se të firmoste marrjen e koncesionit prej 138 milionë eurosh. Dhe çudia më e madhe qëndron te fakti se shpallja e fituesit zyrtarisht u bë më 6 tetor 2014, dy muaj përpara se të themelohej kompania që do të fitonte kontratën koncesionare. Pas firmosjes së kontratës koncesionare në fillim të muajit janar 2015 nga Ministria e Shëndetësisë dhe kompania 3P Life Logistic, Agjencia e Prokurimit Publik refuzoi publikimin e kësaj kontrate pasi konstatoi shkelje të rënda ligjore. E para, kontrata u dërgua në APP pa numër protokolli dhe pa u firmosur nga titullari i institucionit. E dyta ishte shuma totale që shteti shqiptar do të paguante në fund të 10 viteve koncesion, si dhe mënyra e pagesës, që sipas APP-së, në formularin e dërguar nga MSH deklarohej se pagesa për check-up do të kryhej në bazë të numrit të analizave që do të kryheshin. Dhe këtu ka një mospërputhje në lidhje me vlerën totale të kontratës së nënshkruar. Konkretisht, në formularin e dërguar me shkresën nr. 3082/23 Prot., datë 20.01.2015, në pikën 5 jepet vlera totale e kontratës 13.833.000.000 lekë. Ndërkohë, në formularin e dërguar me shkresën nr. 3082/27 Prot., datë 10.02.2015, në paragrafin IV.4 shkruhet shprehimisht se: “Vlera reale do të jetë në varësi të numrit të kontrolleve”. Gjashtë ditë më pas, Ministria e Shëndetësisë firmos edhe njëherë formularin e njoftimit të kontratës së nënshkruar dhe më datë 19.02.2015 ministri i atëhershëm, Ilir Beqaj, i delegon kompetencën vartëses së tij, Milva Ekonomi, që të firmosë formularin e fituesit të kontratës koncesionare. Në këtë shkresë, përveç firmës dhe vulës së Ministrisë së Shëndetësisë, deleguar te Milva Ekonomi, saktësohet në pikën IV.3 se: “Vlera totale e kontratës do të jetë 13.833.000.000 lekë”, apo rreth 138 milionë euro për dhjetë vjet. Ndërsa në pikën IV.4 saktësohet: “Vlera e sipërcituar është vlera e dhjetë viteve të marra së bashku për numrin maksimal të kontrolleve për grupmoshën 40-65 vjeç. Vlera reale e kontratës do të jetë më e ulët pasi ajo do të llogaritet në varësi të numrit të kontrolleve që do të kryhen çdo vit”. Do të mjaftonte vetë ky dokument, që minimalisht sot SPAK ta kishte marrë të pandehur zv.ministren e asaj kohe, Milva Ekonomi, e cila me dashje i ka shkaktuar disa milionë euro dëm buxhetit të shtetit, pasi me firmën e saj ka kryer pagesa në kundërshtim me kushtet e parashikuara në kontratë. Por skandalet nuk mbarojnë këtu. Në pikën 3 të kontratës përcaktohet se: Kjo ndodhi për një arsye. Vilma Nushi, sipas kontratës, 20 laboratorët do të duhej t’i ndërtonte në qendrat shëndetësore të Ministrisë së Shëndetësisë dhe, në përfundim të koncesionit, ky investim do t’i mbetej si aset shtetit shqiptar. Gjë që nuk ndodhi asnjëherë. Sipas kontratës që shihni në ekran, nënshkruar mes kompanisë së Vilma Nushit dhe kompanisë Intermedica të deputetit të PS-së, Vasil Llajo, çmimi për një check-up te Intermedica për Vilma Nushin do të kushtonte 740 lekë me TVSH. Pra, ndërkohë që shteti do t’i paguante Vilma Nushit 1844 lekë me TVSH për kryerjen e një pakete check-up, ajo e delegoi këtë shërbim te nënkontraktori për një çmim prej 740 lekësh me TVSH. Me vetëm këtë skemë, Vilma Nushi ka përfituar për çdo analizë rreth 11 euro. Gjithçka me firmën e hedhur nga ish-zv.ministrja Milva Ekonomi. Në një përballje me gazetarin Freard Rista, zonja Ekonomi mohoi të kishte lidhje me këtë formular kontrate, pavarësisht se emri dhe firma e saj janë të zeza mbi të bardhë. Kompania e Vilma Nushit, Marketing & Distribution, e cila ka në pronësi koncesionin e check-up nëpërmjet kompanisë 3P Life Logistic, rezulton gjithashtu se ka financuar edhe kompaninë “Victoria Construction”, e cila po ndërton kullën “Ekspozita Building”. Deri këtu do të ishte diçka normale, nëse pas kësaj kulle nuk do të qëndronte një emër si ai i Ervin Matës, i arrestuar së fundmi në Brazil me kërkesë të SPAK-ut për trafik droge. Konkretisht, në vitin 2018, kompania Marketing & Distribution kalon për llogari të shoqërisë “Victoria Construction” një shumë prej 1.1 milionë eurosh. Nga të dhënat e bilanceve të kompanisë “Victoria Construction”, nuk specifikohet arsyeja pse Vilma Nushi i ka dhënë një shumë të tillë monetare kompanisë. Derdhja e parave u bë vetëm një vit përpara se të firmosej leja e ndërtimit për kullën “Ekspozita Building”. Pra, në vitin 2018 Vilma Nushi paguan këstin e parë të parave për llogari të kompanisë së Luan Matës, ndërsa në vitin 2019, me firmë të Edi Ramës dhe Belinda Ballukut, u miratua edhe leja e zhvillimit. Kujtojmë se pikërisht në vitin 2018, kur Vilma Nushi ka deklaruar se ka futur për investim 1.1 miliardë lekë në kullën e Ervin Matës, ka marrë edhe dividendin e parë nga kompania e check-up, në vlerën e rreth 1.2 miliardë lekëve, përafërsisht sa shuma që futi te kulla e Ervin Matës. Edhe për këtë gjë, zonja Ekonomi u pyet nëse ndjen ndopak përgjegjësi morale që me firmat e saj pasuron privatin, i cili më pas këto lekë të fituara nga taksapaguesit shqiptarë i investon tek personazhe me rekorde kriminale, por nuk ktheu përgjigje, duke kyçur gojën dhe nxituar këmbët për të votuar. /Piranjat news
May 23, 2026