Shkarkimi i Pirro Vengut, Gazetarja: Emri i tij del në dosjen e portit të Durrësit dhe në tendera me miliona euro
Gazetarja Anduena Llabani ka komentuar zhvillimet e fundit politike, duke u ndalur te shkarkimi i Pirro Vengu nga posti i ministrit të Mbrojtjes, në kuadër të ndryshimeve të fundit në qeveri.
E ftuar në News24, Llabani deklaroi se emri i Vengut përmendet në çështje që lidhen me hetime në vijim, përfshirë edhe dosjen e portit të Porti i Durrësit.
“Nëse Pirro Vengu është një personazh që flitet, edhe sot ka pasur disa veprime hetimore nga BKH që lidhen me portin e Durrësit dhe ai është firmëtari që ka hedhur bazën e dokumenteve të asaj afere të hetuar nga prokuroria e Durrësit. Është dora e tij”, u shpreh ajo.
Sipas saj, gjatë ditës ka pasur veprime hetimore nga Byroja Kombëtare e Hetimit (BKH) që lidhen me këtë dosje, ndërsa ajo theksoi se Vengu ka qenë firmëtar në dokumentet bazë të projektit që po hetohet nga prokuroria e Durrësit.
“Posti që mori si ministër i Mbrojtjes ka qenë si shpërblim që Rama i bëri për këtë veprim. Pirro Vengu është edhe në shumë dosje të tjera që lidhen me tendera të bëra si ministër, ku ai ka firmosur dokumente që fusin kompani sh.a. që nuk kanë të drejtën të vendosin në emër të ministrisë. Flitet për miliona euro. Dokumente të cilat janë në verifikim nga SPAK”, deklaroi Llabani.
