Bordi i Paqes/ Televizioni zviceran publikon sërish videon: Tallja e Ramës ndaj Trump u përhap në mbarë botën
vendet evropiane po hezitojnë që të bëhen pjesë e Bordit të Paqes, disa vende në Ballkan po nxitojnë për t’u anëtarësuar. Media zvicerane përmend Shqipërinë, Kosovën dhe Bullgarinë. Sa i përket Shqipërisë, televizioni zviceran raporton se qëllimi lidhet me nxitimin e Edi Ramës për të qenë pranë Donald Trump, sidomos pasi tallja që i bëri presidentit amerikan në një samit, u bë virale. Televizioni zviceran publikoi edhe videon nga momenti. Ndërkohë më poshtë pjesë nga kronika:
Pse dëshiron Kosova të anëtarësohet?
Kosova nuk është anëtare e OKB-së. Serbia ka penguar deri tani këtë anëtarësim. “Me Këshillin e Paqes, tani ekziston një organizatë ku ne kosovarët trajtohemi si të barabartë, jo si në BE dhe OKB”, thotë politologu kosovar Leart Hoxha. Për Kosovën, mbrojtja e SHBA-së ka rëndësi ekzistenciale. SHBA-të (dhe NATO) me ndërhyrjen e tyre ushtarake në Luftën e Kosovës në 1999 bënë të mundur themelimin e shtetit të Kosovës.
Cilat janë motivet e Shqipërisë?
Edi Rama, kryeministri i Shqipërisë, ka kërkuar prej kohësh të jetë afër me Trump. Vajza e Trump, Ivanka, dhe burri i saj, Jared Kushner, po ndërtojnë në ishullin shqiptar Sazan një resort luksoz pushimesh për rreth 1.4 miliardë dollarë. Në tetor, Rama u filmua duke u tallur me Trump, i cili në një fjalim kishte ngatërruar Armeninë me Shqipërinë. Tallja u përhap në mbarë botën dhe kjo i dha Ramës të paktën një arsye më shumë për të kërkuar sërish favorizimin e Trump.
Si do ta paguajnë shtetet e Ballkanit tarifën e anëtarësimit?
Tarifa për Këshillin e Paqes është zyrtarisht një miliard dollarë. Të tre shtetet presin se nuk do të kenë nevojë ta paguajnë këtë shumë. Vjosa Osmani, presidente e Kosovës, tha: “Nuk na është kërkuar kurrë të paguajmë një shumë të tillë. Statutet nuk e parashikojnë këtë”. Në fakt, statutet parashikojnë që jo të gjitha shtetet anëtare duhet të paguajnë një miliard.
