Kredia hipotekore zakonisht garantohet me objektin që po blihet, rikonstruktohet apo rinovohet, duke i dhënë mundësinë kredidhënësit të jetë i garantuar në rast se klienti nuk e shlyen kredinë
Kredia hipotekore është linjë krediti që jepet nga bankat në mënyrë që huamarrësit t’i përdorin ato për të blerë një shtëpi ose ndërtimi i një prone të destinuar për banim. Zakonisht, kreditë për shtëpi mbulojnë një përqindje të vlerës së pronës (70% apo më tepër) dhe kanë periudha shlyerjeje që arrijnë deri në 20 vjet ose edhe më shumë (banka të ndryshme aplikojnë afate të ndryshme). Huamarrësi e shlyen huanë/kredinë gjatë një periudhe të zgjatur, me një përqindje interesi të përshtatshme për të kompensuar huadhënësin/kreditorin për shpenzimet me të cilat përballet gjatë përgatitjes së huasë dhe për riskun që institucioni merr përsipër. Një kredi hipotekare mund të përdoret për blerjen, rikonstruksionin ose mobilimin e një shtëpie duke bërë vetëm një pagesë mujore të vlerës së investimit. Kredia hipotekore zakonisht garantohet me objektin që po blihet, rikonstruktohet apo rinovohet, duke i dhënë mundësinë kredidhënësit të jetë i garantuar në rast se klienti nuk e shlyen kredinë.
Kredia
Fillimisht procesi i aplikimit për kredi mund të duket i vështirë, por në të vërtetë, ky proces është relativisht i drejtpërdrejtë. Vështirësia zakonisht qëndron në mbledhjen e dokumentacionit dhe dhënien e informacionit të nevojshëm nga ana e aplikantit në procesin e marrjes së kredisë. Personat që janë të mirë organizuar dhe ruajnë dokumentet zakonisht nuk hasin probleme, por edhe anasjelltas. Faktorët primarë përcaktues të pagesave tuaja mujore për kredinë janë madhësia dhe afati i kredisë. Ka një marrëdhënie të anasjelltë ndërmjet afatit të kredisë dhe madhësisë së pagesës mujore: afate më të gjata rezultojnë në pagesa më të vogla mujore. Për këtë arsye, kreditë me afat 20-25 vjet janë tipi më i popullarizuar i kredisë hipotekore. Ekzistojnë katër faktorë që luajnë një rol në llogaritjen e pagesës për kredinë hipotekore. Këto katër pika janë: principali, interesi, sigurimi i pronës dhe sigurimi i jetës. Një pjesë e çdo pagese të këstit të kredisë hipotekore është dedikuar për shlyerjen e principalit. Kreditë janë strukturuar në mënyrë që shuma e principalit që i kthehet huadhënësit fillon nga shuma të vogla dhe rritet në çdo pagesë të këstit. Ndërsa pagesat e këstit për kredinë hipotekore në vitet e para përbëhen kryesisht nga pagesat e interesit, pagesat në vitet e fundit përbëhen kryesisht nga shlyerja e principalit. Norma e interesit për një kredi hipotekore ka një ndikim të drejtpërdrejtë në madhësinë e këstit të pagesës – norma të larta interesi do të thotë pagesa më të larta hipotekore. Pra, për pjesën më të madhe të blerësve të shtëpive, norma më të larta të interesit zvogëlojnë sasinë e parave që ata mund të marrin hua, norma më të ulëta të interesit e rrisin atë.
Financimi
Deri në 70% të vlerës së investimit kur kredia akordohet në monedhën vendase ose deri ne 60% të vlerës së investimit kur kredia akordohet në monedhë të huaj (euro) për kreditë për blerje ose ndërtim shtëpie. Deri në 50% të vlerës kolateralit për kreditë për rikonstruksion. Deri ne 70% të vlerës së kolateralit për kreditë për qëllime apo nevoja të ndryshme.
Të mobilosh një apartament 1+1
Në një apartament 1+1, parapëlqehet mundësia e ndriçimit natyral. Materiale të tejdukshme perimetrale, veçanërisht me xham, dritare gati një faqe muri ose që zënë sipërfaqe të madhe, krijojnë një afërsi të pjesës së brendshme të shtëpisë me natyrën. Gjithashtu, ky ndriçim natyral, kombinuar me ngjyrën e bardhë ose nuancat e saj të përafërta, të cilat janë edhe ngjyrat e momentit, jep idenë e një sipërfaqeje shumë të madhe, që në studimet e arkitektëve të ndryshëm të huaj krijon edhe një sipërfaqe fiktive dy herë më të madhe se sa ajo reale.
Ndryshim në koncept dhe formë
Themi në koncept, sepse jeta është bërë më e shpejtë dhe arredimi po e pasqyron dhe ndjek atë. Një ndryshim; nëse më parë këndi i gatimit në një apartament 1+1 ishte një nga pjesët më të rëndësishme të shtëpisë, tashmë ushqimet e shpejta, të ngrënit jashtë, kanë bërë që këndi i gatimit, përveçse të jetë një nga pjesët më periferike të shtëpisë, të riformatohet dhe në formë. Nuk bëhen më ato ‘kondrabufetë’ sa një faqe apo dy faqe muri, që të zënë frymën dhe pamjen. Nëse përmendim vilat, aty ka veçori numri i kateve, të cilat tanimë po ndahen sipas funksioneve. Funksionet shoqërore vendosen në katin e parë dhe funksionet intime gjithmonë në katet më të larta. Për sa i përket elementëve formalë të dekorimit, tendencat janë materialet e pastra, rustike, gur përzier me metal, xham, dru. Rrinë fare mirë të tëra bashkë dhe bashkë me gjelbërimin e bëjnë shtëpinë shumë moderne dhe sa më pranë natyrës, ashtu siç duhet të ndihet në thelbin e tij të qenësishëm njeriu.
Eliminimi i kondicionerëve
Një veçori tjetër e arredimit ten je apartament 1+1 në kohët e fundit është eliminimi i kondicionerëve për ngrohjen e ambientit. Gjithmonë e më shumë në ndërtimet e reja, edhe të pallateve, po ndërtohen sistemet me ngrohje qendrore. Një sistem ky i cili duhet projektuar që në fillim të një projekti ndërtese, pasi ka shumë faktorë, të cilët merren parasysh, që nga ato estetike deri në ata më të rëndësishëm, të sigurisë. Eliminimi i kondicionerëve sjell jo vetëm një ngrohje më të njëtrajtshme të gjithë ambienteve të shtëpisë në mënyrë të njëjtë, eliminon sëmundje, ul koston e vendosjes së kondicionerëve në çdo dhomë, heq angaritë e pastrimit dhe riparimit të tyre, por vlen edhe nga ana estetike, immokontakt.
