Qytetarët dhe opozita do të protestojnë sërish sot para Bashkisë së Tiranës, për të kërkuar dorëheqjen dhe largimin e kryebashkiakut Erion Veliaj.

Protesta vjen pas skandalin me dosjen 5D e cila çoi në pranga Mariglen Qaton dhe Redi Mollën, dy drejtorë të bashkisë që drejton Veliaj. Shkak u bë favorizimi i Kompanisë “5D Konstruktion” ku ortakë janë Molla dhe Qato.

Opozita dhe qytetarët protestuan një javë më parë duke kërkuar që Veliaj të merrte përgjegjësinë dhe të largohej nga zyra e kryetarit. Përplasje pati mes policisë dhe këshilltarëve bashkiakë të opozitës të cilët nuk u lejuan të kryejnë detyrën.