Analisti Arion Sulo thotë se dosja për inceneratorët është sakatuar, në rastin më të mirë, ose është minuar, nga ana e SPAK.
Reagimi i Sulos në studion e emisionit “Open” vjen në një kohë kur SPAK i ka komunikuar akuzat ish-zv.Kryeministrit Arben Ahmetaj.
“Ahmetaj dyshohet se ka marrë nga dy biznesmenët Zoto dhe Mërtiri ka marrë para për t’i ndihmuar ata për inceneratorin e Elbasanit.
Dosja e incenetatorit është maksimumi përgjysmë e sakatuar nga SPAK. Maksimumi e minuar. Nuk na jep skemën si është zhvilluar procedura. Dosja në fjalë ka të bëjë me udhëtimet e Ahmetajt, për mobilimin e vilave, por inceneratorët nuk janë këto.
Inceneratorët janë me të drejtë siç thotë opozita afera e shekullit. Ne paguajmë dhe inceneratorët nuk ekzistojnë dhe sot kemi akuza të ngritura ndaj Ahmetajt për bileta dhe mobilime.
Nuk kemi përgjegjës nga A-ja te Zh-ja. SPAK-u thotë hetimi vazhdon por deri më tani unë e konsideroj një mbyllje me një “kok turku” të lëshuar nga kryeministri për ta mbyllur këtë çështje”, tha Sulo.
