Gjatë diskutimit të artikullit të shkrimit të medias së madhe franceze MediaPart, kundër Edi Ramës që ja rëndit të gjitha skandalet dhe që në titull e cilëson autokrat, analisti Enton Abilekaj deklaroi se është hera e parë që në një artikull/media të huaj ka akuza direkte.
‘Ky shkrim prishi komoditetin, duke qenë edhe media serioze. Ka pasur edhe disa shkrime të mëparshme edhe në media gjermane.
Kjo është hera e parë që në titull i thonë autokrat dhe termi autokrat është shumë i rëndësishëm.
Këtu kemi akuza direkte dhe vënien përballë të qeverive perëndimore, ndaj një qeverisje të tillë.
Kjo është e reja që mund të sjellë një ndryshim në politikë ndaj Shqipëri.
Ka një politikë perëndimore që është e trashëguar nga vendet të cilat janë antiperëndimore, që ata e implementojnë edhe në Shqipëri.
Nëse ata në një vend antiperëndimor, mbështetin një diktator, autokrat, sepse nëpërmjet tyre ata mbyllin punët e tyre, pavarësisht urrejtjes popullore, në Shqipëri nuk mund ta bëjnë këtë’, tha Enton Abilekaj
