Ish-drejtori i Burgjeve, Arjan Hoxha, ka folur lidhur me ngjarjen e rëndë që ndodhi sot në burgun e sigurisë së lartë në Peqin, ku një i dënuar humbi jetën dhe një tjetër u plagos me armë zjarri nga Sokol Mjacaj.
Hoxha tha për News24 se përtej humbjes së jetës, ngjarja është tepër e rëndë edhe për faktin që një armë ka hyrë në ambientet e burgut të sigurisë së lartë në Peqin.
Sipas Hoxhës, teoria e sjelljes së armës te Sokol Mjacaj përmes një droni është e vështirë, pasi përmes tij mund të kalohen vetëm “2-3 filtra të sigurisë”.
Ai theksoi se për sjelljen e armës brenda burgut duhet ndihma ose bashkëpunimi i një punonjësi të brendshëm ose edhe më shumë.
