“Tokë e askujt”, Kurti i përgjigjet Ramës: Veriu i Kosovës është tokë e Kosovës

0
180

“Veriu i Kosovës është tokë e Kosovës”, kështu u shpreh Albin Kurti teksa u pyet nga gazetarët për deklaratat e Edi Ramës se kjo hapësirë e Kosovës është shndërruar në tokë të askujt.

Për gazetarët, Albin Kurti u shpreh se Presidenti serb është i zënë në Kinë, ndërsa tha se kryeministres Brnabiç sot i ka kërkuar që të nënshkruajnë marrëveshjen, por ajo nuk ka pranuar.

“Është e rëndësishme që të mos ketë episode të tjera si ato në 24 shtator. Duhet të ketë sanksione për Serbinë dhe siguri për Kosovën. Është ditë e mirë sepse procesi i Berlinit e bën Ballkanin evropian.

Të gjitha shtetet duhet të anëtarësohen sa më parë.

Ne kemi marrëveshje me Serbinë, ajo e 27 shkurtit që ka njohjen de facto reciproke dhe ajo duhet të zbatohet. Sot gjatë takimit të drekës unë kam kërkuar nga kryeministrja Brnabic që ta nënshkruajmë marrëveshjen bazike dhe aneksin e Ohrit.

Unë jam që të zbatohen ato tani që presidenti i Serbisë është i zënë në Kinë në takim me superfuqitë lindore. Unë kam thënë le të nënshkruajmë me kryeministren e Serbisë, por ajo nuk ishte e interesuar”, tha Kurti.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here