Kryeministrja e Italisë, Giorgia Meloni, nuk do të marrë pjesë në Samitin për Procesin e Berlinit, i cili do të mbahet ditën e sotme në Tiranë.

Pritet që në vend të Melonit të vijë zv.kryeministri Antonio Tajani.

Në mediat italiane thuhet se ditën e sotme kryeministrja Meloni do të presë mbretin e Jordanisë Abdullah II.

Takimi i tyre pritet të mbahet në Palazzo Chigi ku dhe do të diskutojnë lidhur me marrëdhëniet mes dy vendeve.

Kujtojmë që dhe presidenti i Francës Emmanule Macron ka anuluar vizitën e tij për Samitin e Procesit të Berlinit në Tiranë, duke njoftuar se do të mbërrijë në kryeqytet vetëm pasditen e së sotme vonë.