Drejtuesi i listës së kandidatëve për këshillin bashkiak Tiranë Dr . Ilir Alimehmeti ka dalë në një deklaratë për mediat ku u ka bërë thirrje qytetarëve të dalin masivisht dhe të votojnë për të ardhmen e tyre.
Deklarata :
Përshëndetje!
Të nderuar qytetarë të Tiranës, sot është një nga ditët më të rëndësishme për qytetet tona. Sot vendoset e ardhmja jonë, e ardhmja e qytetit tonë, e ardhmja e familjeve tona.
Ka patur përpjekje, ka patur prezencë të punonjësve të bashkissë nëpër qendrat e votimeve, parregullsi, vonesa 2-3 orëshe për shkak të mosfunksionimit nëpër qendra të votimit të pajisjeve të identifikimit elektronik.
Të gjitha këto kërkojnë vetëm një gjë, që njerëzit të pengohen, të mos dalin, e të mos votojnë.
Gjë tjetër nuk mund të bëjnë.
E për këtë arsye, përgjigja juaj ndaj tyre është vetëm një: të dilni masivisht e të votoni. Përgjigja juaj është që; e ardhmja e familjes tuaj, jo në dorën e tyre. E ardhmja e qytetit është në dorën tuaj dhe jo në dorën e tyre.
Dilni, votoni, masivisht.
Kjo është një ditë e bukur. Me pjesëmarrjen tuaj do të përfundojë ashtu siç duhet.
